Bani Anfunemi Wawoba?

Yaka modha-modha ninokosa guru dhinjene wi nawobe attu enjene akale vamodha na iyo vamuttuponi wa wubuwela okwa wa Yezu. Enjiya annikalelaga ninga aleddo. Iyo ninofuniwana wawoba attu anaziwehu. Ogamuwoba muttu onimuziwewi vang’onovi kinimurutxa orumelawa. (yb08-T 11 ddima 3; 14 ddima 1) Okana anaziwewi agafunilewi wawoba?

• Amudhawo

• Anamalaba obe anamasunza akwawo

• Anamanddamanawo

• Attu anawiyeleliwe peno anamasunza awo a Bibilia a wale obe aswa

Anddimuwa ammulogoni vina anofwanyela wawoba abale attiyile otugumana wi akale vamuttuponiva. Onakose dhavi akala onomuziwa muttu ohinkala mmuruddani mwawo? Enowodheya ofwanya mudhidhi na mburhoya wa matugumano anakosiwe mmuruddani muliye; ondowa mu jw.org mpaddi wa NILI ANI ogamala oddiginye valebiwe “Wubuwela.” Ogasasanyedhaga matugumano a wubuwela wa yaka ejino onofwanyela wawubuwela abale anfuniwe wawoba, wi wavahe niwobo nawa.