Ohivisasanyedhela Muttupo wa Wubuwela Okwa wa Yezu?

Paskwa womariha agakosile Yezu agahikala wattima vaddiddi. Sabwani wanziwa wila omamalelowa agahikwa. Nona iyene wahikosa masasanyedho wa oja muttupo obu na anamafwara aye vina wahita elobo eswa, Muttupo wa Wubuwela Okwa wa Yezu. Yezu wahimukumbirha Pedro na Joau wila asasanyedhe mburo wafunani oja muttupoya. (Lk 22:7-13; koona foto ya kapa.) Eji enonisunziha wila iyo vina ninofwanyela ovisasanyedhela Muttupo onakosiwe labo 27 ya Marsu. Mohaganyedha mulogo omala okosa masasanyedho a muttupoya ninga a namakosa diskursuya, attu anfuna osasanyedha mikatte na dhilobo dhina. Mbwenye txini enakosiwe wila ovisasanyedhele Muttupo?

Osasanyedhe murima wawo. Wengese malebo asasanyedhiwe wengesiwa nsaka na muttupo vina otanalele. Enowodheya ofwanya porogaramaya mu Malebo a Siku na Siku. Obe ogafuna porogarama yina yohirutxa, kang’ana Apêndice B12 wa Tradução do Novo Mundo da Bíblia Sagrada. (Koona vina Mabasa na Yeddelo Yehu ya Okristu wa mweri wa Abrili wa 2020.) Akala ontamela makani mena anloga mwaha wa ttima ya yobolo wila olabihedhe va webedha wa ntakulu, koona Índice das Publicações da Torre de Vigia ou o Guia de Pesquisa para Testemunhas de Jeová.

Wawobe attu ena wila akale vamuttuponiva. Ovilibihedhe wawoba attu enjene. Kamubuwele muttu onfwanyeliwe omoba, ninga motagiha attu anfuniwe wawiyelela, abale amusunzile Bibilia na weyo, abale anaziwiwe vina anamudhi. Anddimuwa a mulogo kadduwale wawoba abale akumuwile. Akala onomoba muttu ohinkala mmuruddani mwawo, kavolowa mu site jw.org, oddiginye va NILI ANI Ogamala oddiginye valebiwe “Muttupo wa Wubuwela Okwa wa Yezu.”

Dhilobo gani dhina dhinfwanyelihu okosa wila nikale wovisasanyedhene?