MABASA NA EDDELO YEHU YA OKRISTO
Nitagihe Merelo a Samuwel
Samuwel wahimuroromela Yehova mwigumini mwaye mwetemwene. Iyene bali mwana, wahikodda ofwara makalelo otakala a ana Eli, Hofeni na Fineya. (1Sam 2:22-26) Samuwel wanunuwavi vina Yehova walivi na iyene. (1Sam 3:19) Samuwel wannedda na Yehova mpaka wuluvala waye masiki anaye ahikosaga ejuwene.—1Sam 8:1-5.
Yotagiha ya Samuwel ennisunziha eni? Akala weyo oli muzombwe, Yehova onowona makatamiho angumaniwena vina aniwamo weyo. Iyene onele wukamihedha oliba murima. (Iza 41:10, 13) Akala weyo wamambali ona anawo attiyile omwebedha Yehova, ogona yotagiha ya Samuwel enele wulibiha sabwani iyene, wahikana anaye vina attiyile weddana magano a Yehova. Iyene wahittiya makattamiho aye mmaddani mwa Yehova vina wahikalavi wororomeleya amwagalalihaga Babe wa wirimu Yehova. Txino yotagiha yehu enele watukulela anihu omwiwelela Yehova.
KOONA VIDIYU NITAGIHE MERELO A—SAMUWEL, OGAMALA WAKULE MAVUZO ANFWARELA:
Samuwel otonyihedhile dhavi oliba murima bali mima?
Danny otonyihedhile dhavi oliba murima?
Samuwel olagihile dhavi yotagiha yaderettu masiki valiye wowunuwelavo?
Yehova onowakamihedha abale ankala ororomeleya
Amambali a Danny atonyihedhile dhavi yotagiha ya derettu?