Onalabihedhe Dhavi Mazu Oromana Makani

Anamalaleya enjene ahona wi mpaddi wa mazu oromana makani, onowakamihedha venjene agalaleyaga mmuruddani mwawa enoddiginya mirima dha attu. Vowi, mwilaboni mwetemwene mikalelo dhinottiyana, anamalaleya akana ofuru wa olabihedha makani ottiyana-ttiyana wi addiginye mirima dha attu. Mowiwanana na muruddaya, ninofwanyela ofwara malago otene anvahiwehu wi nakwanihedhe mabasa a origanela a vawoka. Yogana yehu ja wakwanihedha mabasa anittomele Yezu, olaleya miselu dhapama dha Omwene.—Mt 24:14.

Ogasasanyedha dhipaddi dha anyaskola, wavahe dhipaddi dhiniwanana na mazu oromana makani, dhinfwanyeya mwari mwa Mabasa na Yeddelo Yehu ya Akristu. Awene ahikana ofuru wa olabihedha nivuzo nottiyana, otxinja nlebona vina makaniya mowiwana na muruddaya wi addiginye mirima dha attu analaleyani. Matxinjo aba anfwanyeya munivuruni na mabasa wa mweri wa Junyu yaka ya 2020 nikuku 8.