Watchtower BIBILIOTEKA ONLINE
Watchtower
BIBILIOTEKA ONLINE
Etxuwabo
  • BIBILIA
  • MANIVURU
  • MATUGUMANO
  • w24 Agosto pp. 14-19
  • Mulogo Onamutagihe Dhavi Yehova Agaweddihaga Abale Akosile Dhottega

Epaddi eji kunfwanyeya mavidiyu

Onilevelele, kiwodheyile otomola vidiyuya

  • Mulogo Onamutagihe Dhavi Yehova Agaweddihaga Abale Akosile Dhottega
  • Mwang’aneli Onvuwiha Omwene wa Yehova (Wosunzana)—2024
  • Mwana Musorho
  • Makani Oladdana
  • MULOGO W’O KORINTO WA NSAKA ZANA NOROMA OMWEDDIHILE DHAVI MUTTU WAKOSILE YOTTEGA ENDDIMUWA
  • MULOGO OMWEDDIHILE DHAVI MULOBWANA WATXINUWILE DHOTTEGA DHAYE
  • NINATAGIHE DHAVI OLIGANA VINA TTAGARAGA YA YEHOVA
  • Anddimuwa a Mmulogoni Anawodhe Dhavi Wakamihedha Abale Aburutxiwe Mmulogoni?
    Mwang’aneli Onvuwiha Omwene wa Yehova (Wosunzana)—2024
  • Anddimuwa a Mmulogoni Analagiha Dhavi Okwela vina Ttagaraga Attu Akosile Dhottega
    Mwang’aneli Onvuwiha Omwene wa Yehova (Wosunzana)—2024
  • Dhogana Dhinoniha wi Ninomukuluvela Yehova
    Mabasa na Yeddelo Yehu ya Okristu—Nivuru Na Mabasa a Matugumano—2023
  • Mareliho Ankaana Iyo Sabwa ya Okwela wa Yehova
    Mwang’aneli Onvuwiha Omwene wa Yehova (Wosunzana)—2025
Kang'ana Dhina
Mwang’aneli Onvuwiha Omwene wa Yehova (Wosunzana)—2024
w24 Agosto pp. 14-19

NSUNZO 33

JIBO 130 Nilevelelanege

Mulogo Onamutagihe Dhavi Yehova Agaweddihaga Abale Akosile Dhottega

“Akala mmodhavo wenyu onothega, nikana onnilogela wa Baba.”—1 JO. 2:1.

DHINASUNZE IYO

Txini ensunzihu na mukalelo weddihiwe muttu okosile yottega enddimuwa mmulogoni w’o Korinto nsaka zana noroma.

1. Txini enfuna Yehova wi attu otene akose?

YEHOVA wapaddutxile attu na ofuru wa okosa dhosakula. Weyo onolabihedha ewodhelo eji ogakosaga dhogana. Yogana yamakamaka enfwanyela muttu okosa ja oviperheka wa Yehova vina omwebedha iyene vamodha na abalihu na arogora. Yehova onfuna wi iyo notene nikose yogana eji. Sabwaya? Sabwani iyene onowakwela attu vina onowafunana dhapama. Iyene onfuna wi awene ajevo mandano na iyene vina akalewo namukalakala.—Olib. 30:​19, 20; Gal. 6:​7, 8.

2. Txini enajedhelana Yehova abale akosile dhottega dhinddimuwa nanda bahitxinuwa? (1 Joau 2:1)

2 Yehova kanimudidela muttu omulabela. Iyene onfuna wi iyo nigane nokihu okosa efunelo yaye. Kito akala Mukristu obatiziwe onolupa malamulo a Yehova bakosa yottega enddimuwa? Akala iyene kantxinuwa, onofwanyela oburutxiwa mmulogoni. (1 Kor. 5:13) Masiki akala ejo enopadduwa Yehova onjedhela wi iyene atxinuwe vina amwiyelele Iyene. Mwaha mmodha omuttukuleli Yehova okosa masasanyedho a yobolo—ja wavaha gari abale akosile dhottega dhinddimuwa oleveleliwa agatxinuwa. (Kengesa 1 Joau 2:1.) Yehova, Mulugu wokwela, iyene onfuna wi abale akosile dhottega dhinddimuwa atxinuwe.—Zak. 1:3; Rom. 2:4; Tia. 4:8.

3. Txini enasekeserhihu mu nsunzoni ntti?

3 Yehova ononaddela mukalelo ononiye dhottega vina onawoniye abale akosile dhottega dhinddimuwa. Nsunzo ntti ninele onilagiha mukalelo onawodhihu okosa ejuwene. Ninele wona (1) mulogo w’o Korinto omweddihile dhavi muttu wakosile yottega enddimuwa, (2) nlago gani nivahile murumiwi Paulo mutxinuwile muttegiya, vina (3) nipadduwo ntti na mBibiliani ninoniha dhavi monelo wa Yehova mwaha wa Akristu akosile dhottega dhinddimuwa.

MULOGO W’O KORINTO WA NSAKA ZANA NOROMA OMWEDDIHILE DHAVI MUTTU WAKOSILE YOTTEGA ENDDIMUWA

4. Txini yapadduwa na mulogo w’o Korinto? (1 Korinto 5:​1, 2)

4 Kengesa 1 Korinto 5:​1, 2. Mwari mwa mabasa aye a noraru a omisionario, Paulo wahiwa elobo yabure yapadduwile mmulogoni muswa wetiwe o Korinto. Mbali dhahi wa mmulogoni wanraruwa na mwadhi babe. Masiki abale ahali Akristu anziwa wi mweddelo obu wali wabure. Abali obuwela wi kiyali yabure iyene okosavi mpaddi wa mulogo masiki akosaga yabure. Txino ena obuwela wi okosa ejuwene yalagiha ntanalo vina ttagaraga ya Yehova, mbwenyi Yehova kanrumela obure mwari mwa nlogo naye. Merelo a mulobwana oddule antakaliha mweddelo wa mulogo sabwani iyene agaharaviha Akristu ena a mmulogoni mweddelo waye. Mwadhahene, nlago gani nivahile murumiwi Paulo mulogo obule?

5. Txini elogile Paulo yafwanyela okosa mulogo vina ejo yewanana na eni? (1 Korinto 5:13) (Koona vina foto.)

5 Kengesa 1 Korinto 5:13. Yehova wahinvudhelela murumiwi Paulo wi àlebele karta akadda Korinto wila muttegi oddule wahatxinuwile wanfwanyela oburutxiwa mmulogoni. Akristu ororomeleya afwanyela omweddiha dhavi? Paulo ohawaddela “muheddege” na iyene. Eji yatapulela eni? Paulo otapulelamo yewanana na ovirihamo nikokomezo ntti valogiliye mazu aba kamuje vamodha na mulobwana oddu. (1 Kor. 5:11) Ogilati wi nije na muttuya enodhaga onittukulela okana mandano na iyene. Paulo afuna atapulelemo wi abali kafwanyela wandana na mulobwana oddule. Eji egahikamihedha mulogo ohikana mweddelo wabure wa muttuya. (1 Kor. 5:​5-7) Ottiya ejo, mulogo kofwara nlago ntti na Paulo egahimukamihedha muttegiya wona mukalelo wamunyimuliliye Yehova, okubanya sabwa ya merelo aye vina otxinuwa.

Murumiwi Paulo alebaga va nipapini.

Yehova wahinvudhelela Paulo olebela karta mulogo vina otapulelamo wi mulobwana oddule wakosile yottega nanda bahitxinuwa wanfwanyela oburutxiwa mmulogoni (Kang’ana ddima 5)


6. Txini ekosile mulogo vina mulobwana oddule wattegile mmalelani wakela karta na Paulo?

6 Mmaleliye waperhekela karta naye Akristu o Korinto, Paulo ohiroma ovivuza mukalelo ogakelile mulogoya. Na mudhidhiya, Tito wahidhana miselu dhapama. Mulogo wahifwara nlago na Paulo wina wahimburutxa muttegiya mmulogoni. (2 Kor. 7:​6, 7) Mowagalaliha-mwene, mwari mwa mudhidhi mung’onovi mmalile Paulo oleba karta ejile, mulobwana oddule wahitxinuwa, wahitxinja mweddelo waye baroma weddana magano oligana a Yehova. (2 Kor. 7:​8-11) Ovano txini yafwanyelela Paulo okokomeza mulogo okosa?

MULOGO OMWEDDIHILE DHAVI MULOBWANA WATXINUWILE DHOTTEGA DHAYE

7. Omburutxa mulobwana oddule wattegile mmulogoni yakwanihedhile yogana gani? (2 Korinto 2:​5-8)

7 Kengesa 2 Korinto 2:​5-8. Paulo wahiloga wi “Goyi emvahile enjiyá enyu, ehakwana.” Na mazu mena, otxinutxiwawa wahidhana yopurelamo. Yopurelamo gani? Omuttukulela muttegiya otxinuwa.—Aheb. 12:11.

8. Nlago gani nina nivahile Paulo mulogo okosa?

8 Paulo wahikokomeza mulogo: Egahikala omulevelela, ompangarhaza vina otonyihedha omukwela wenyu. Koona wi Paulo kafuna bahi iyene wiyelela mmulogoni, iyene wafuna wi awene atonyihedhe na merelo vina na mazu wi ahimala omulevelela mulobwana oddule vina annimukwela, dhahene mbaliya agahikana ebaribari wi otene ahagalala sabwa ya iyene wiyela.

9. Mwa attu ena yakalelani yorutxa omulevelela mbali oddule watxinuwile?

9 Koddi omaromo yali yorutxa abali ena orumela wi mbali oddule wahiyelela mmulogoni? Nipadduwona kaninloga, mbwenyi txino ejoya ehipadduwa. Sabwani merelo aye ahipatta mulogo wetene obe ahanyimula attu ena. Sabwa ya awene ovilibihedha venjene omwagalaliha Yehova, awenene obuwela wi kafwanyelela omwakela muttu oddule wattegile. (Kaladdaniha na Luka 15:​28-30.) Yakalelani yamakamaka mulogo omutonyihedha okwela mbali ole weyeleli mmulogoni?

10-11. Txini egapadduwile anddimuwa a mulogo kokodda omulevelela mbali oddule watxinuwile dhottega dhaye?

10 Kobuwela egapadduwile anddimuwa a mmulogoni kohimurumela mulobwana oddule watxinuwile na murima wotene wiyelela mmulogoni, obe txini egapadduwile mbali oddu kowiyelela mmulogoni nanda abali attiya omutonyihedha okwela? Iyene agahidha orimela na okubanya onddimuwa. Txino iyene agahubuwela wi txipo kagawodhile wiyelela wili omulabela Yehova.

11 Yottabwaya, abali a mmulogoni kohimulevela mbali oddule watxinuwile agahika mandano awa na Yehova vangovini. Sabwaya? Sabwani awene kagatonyihedhile olevelela wa Yehova mbwenyi ekalelo yabure yohilevelela ya Satana, awene agahidha okala dhipano mmadani mwa Satana obanihaga efunelo yana mbali ya omulabela Yehova.—2 Kor. 2:​10, 11; Ef. 4:27.

12. Abali a mulogo w’o Korinto agamutagihile dhavi Yehova?

12 Mulogo w’o Korinto, agamutagihile dhavi Yehova ottiya omutagiha Satana? Modhela waweddiha ninga munaweddiha Yehova abale atxinuwile dhottega dhawa. Koona elebile anamaleba ena a Bibilia mwaha wa Yehova. Davidi ohiloga dhahi: Iyene ddwapama vina oli womala-nawale wi àlevelele. (Masal. 86:5) Mikeya ohileba: “Mulugu gani oli ninga nyuwo Nabuya [Yehova], onthimiha muladdu, onlevelela dhothega?’’ (Mik. 7:18) Izaiya vina ohileba: “Nvuti athiye dila yaye, panga athiye mweddelo waye. Etene eyelele wa Nabuya [Yehova].”—Iza. 55:7.

13. Sabwaya jani anddimuwa a mmulogoni kafwanyelela ottukula mudhidhi mwinjene wi amwihedhe mulobwana ole watxinuwile mmulogoni? (Koona kasha “Mulobwana Oddule w’o Korinto Watxinuwile Wihedhiwe Mmulogoni Mudhidhi Gani?”)

13 Wi amutagihe Yehova abali o Korinto anfwanyela ommoyela mulobwana oddule watxinuwile beyelela mmulogoni vina omutonyihedha okwela wawa. (2 Kor. 2:9) Wi atonyihedhe wila anniwelela mowakwana-mwene elogile murumiwi Paulo, mulogo wanfwanyela ommoyela wili mulobwana oddule watxinuwile. Ebaribari wi vahivira myeri dhing’onovi mumaleli mulobwana oddule oburutxiwa mmulogoni, mbwenyi sabwa ya iyene oburutxiwa mmulogoni ehimuttukulela otxinuwa. Nona kavaali mwaha wa ottukula mudhidhi mwinjene akoddaga omwihedha mulobwana oddule mmulogoni.

Mulobwana Oddule w’o Korinto Watxinuwile Wihedhiwe Mmulogoni Mudhidhi Gani?

Enkala ninga mulobwana onlogiwa va 1 Korinto kapitulu 5 kagonelile wihedhiwa mmulogoni. Ninlogela nni ejuwene?

Paulo olebile makarta aba meli mwari mwa mabasa aye a noraru a omisionario. Txino yaka ya 55 Kristu babaliwe. Txino iyene olebile karta naye nanawili mudhidhi mung’onovi musogorhomwa yakene ejile.

Koona wi mukartani naye noroma, Paulo ohawaddela abalaye wi anfwanyela wakamihedha Akristu o Judeya agumanana dala. Vowi dhigumi dhali vangovini, Paulo kagonelile oleba karta naye nanawili, mukartani ntti Paulo okokomeza mulogo osasanyedha mivaho dhawa.—1 Kor. 16:1; 2 Kor. 9:5.

Paulo wahikana mwaha mwina wapama wamuttukulela oleba karta naye nanawili momaguva-mwene. Iyene wahakela miselu wi mulobwana oddule wahitxinuwa. Nsaka nttile yanttukula mudhidhi wi karta niperekiwe. Txino Paulo wahileba karta naye momaguva-mwene avahaga malago mwa ejile yafwanyela okosa mulogoya.

Akristu a mulogo w’o Korinto anomulejela vina anommoyela nowagalala mulobwana wiyihedhiwe mmulogoni.

Nitanalelaga esi dhotene enkala ninga Paulo okokomeza mulogo omwihedha muttegi oddule watxinuwile mudhidhi mung’onovi—txino myeri dhing’onovi musogorho—mmaleliye oburutxiwa mmulogoni.

NINATAGIHE DHAVI OLIGANA VINA TTAGARAGA YA YEHOVA

14-15. Txini ensunzihu na ejile epadduwile mmulogoni w’o Korinto? (2 Pedro 3:9) (Koona vina foto.)

14 Mukalelo weddihile mulogo w’o Korinto nipadduwo nttile, nilebeliwe mBibiliani wila ninisunzihe. (Rom. 15:4) Nipadduwo ntti ninonisunziha wi Yehova kanrumela dhottega dhinddimuwa mwari mwa nlogo naye. Ena anodhaga wubuwela wi sabwa ya Yehova okala Mulugu wa ttagaraga, agahimurumeliha muttu ohitxinuwile okosavi mpaddi wa mulogo, mbwenyi Yehova kantonyihedha ttagaraga yaye na mukalelo obu. Ebaribari wi Yehova ddattagaraga, mbwenyi iyene kanrumela meddelo otene; malamulo aye mwa ejile eli yapama vina yabure kantxinja. (Jud. 4) Iyene kanimurumeela muttu ohitxinuwile dhottega dhaye okosavi mpaddi wa mulogo. Omuttiya muttu ottegile okosavi mpaddi wa mulogo kahiyo otonyihedha ttagaraga, sabwani agahika vangovini mulogo wotene.—Gano 13:20; 1 Kor. 15:33.

15 Ottiya ejo, ninosunza wi Yehova kanfuna orimela wa muttu nne mmodha. Iyene onofuna wavuna attu otene egawodheya. Yehova onowatonyihedha ttagaraga yaye attu abale antxinja, antxinuwa na murima wotene vina anfuna wiyelela okana mandano ofiyedheya na iyene. (Ezek. 33:11; kengesa 2 Pedro 3:9.) Mutxinuwile mulobwana oddule w’o Korinto vina batxinja mweddelo waye, Yehova wahimulabihedha murumiwi Paulo wila anonihedhemo mulogo wi wanfwanyela omwakela mulobwana oddule vina ommoyela wili.

O Nyumbani ya Omwene murogora onomukubatta murogora mwina wiyihedhiwe mmulogoni. Ena vina ali owagalalene vakuvi na iyene.

Atagihaga okwela vina ttagaraga ya Yehova, mulogo onommoyela oddule oniyelela mmulogoni (Kang’ana ddima 14-15)


16. Oniviwamo dhavi mmaleliwe osunza mwaha wa epadduwile mmulogoni w’o Korinto?

16 Yotagiha epadduwile mmulogoni w’o Korinto enonitonyihedha wi Yehova ddokwela vina ddoligana. (Masal. 33:5) Ejo enonittukulela omuttittimiha venjene Yehova sabwani iyo notene nili attu ohakwana—ninofuna oleveleliwa. Iyo ninomutamalela Yehova sabwa ya okosa masasanyedho a yobolo, sabwa ya ejuwene iyene onowodha olevelela dhottega dhehu. Ninopangarhazeya venjene oziwa wi Yehova onokwela nlogo naye vina onofuna eli yapama mwa awene!

17. Txini enasekeserhe iyo masunzo anfwarela?

17 Kito masaka abano anddimuwa a mmulogoni antagiha dhavi okwela wa Yehova agamukamihedhaga muttu okosile yottega enddimuwa otxinuwa? Abali a mmulogoni anamweddihe dhavi muttu okosile yottega enddimuwa akala anddimuwa mmulogoni anogana omburutxa obe omwihedha mmulogoni? Mavuzo aba ninele wakula masunzo andawo.

OGAKULILE DHAVI?

  • Txini enafunana Yehova attu otene?

  • Vakoddile mulobwana okosile yottega enddimuwa otxinuwa txini yakokomezile murumiwi Paulo mulogo w’o Korinto okosa?

  • Mutxinuwile mulobwana ole wakosile yottega enddimuwa, txini ekokomezile murumiwi Paulo mulogo w’o Korinto okosa?

JIBO 109 Nikwelege na Murima Wotene

    Manivuru a Etxuwabo (1987-2025)
    Obudduwa
    Ovolowa
    • Etxuwabo
    • Ovahedha
    • Dhosakula
    • Copyright © 2025 Watch Tower Bible and Tract Society of Pennsylvania
    • Nlamulo na Olabihedhana
    • Mukalelo wa Ovolowana
    • Privacy Settings
    • JW.ORG
    • Ovolowa
    Ovahedha