Nunuwihe Ewodhelo Yehu Mmabasani a Olaleya​—Nikaane Ekalelo ya Omuzinddiyela Namasunza Ohinvirihamo Dhinsunziye

EKALELENI YAMAKAMAKA: Attu enji anowittana nzina na Yehova wi avuniwe. (Rom 10:13, 14) Mbwenye kahiye otene anrumela nsunzo na Bibilia, akalawo ena ankodda obuwelaga wi dila dha Yehova sorutxa weddanawa. Enkosihu ja ovilibihedha ofiyedha vanwodhelihu wi nakamihedhe abale anna murima wa omurugunutxela Yehova, na efunelo ya omuttittimiha. Nigamusunziha muttu Mazu a Mulugu ofiyedha vanonihu wi iyene agahikana ewodhelo ya osaddulela egumi yaye, mbwenye ahikosaga kukuttu, malago anvahiwehu ba omuttiya wi nanongele mudhidhi wehu abale ana efunelo ya okukusiwa na Yehova avitaganyihaga na nikuru naye. (Jo 6:44) Mbwenye, akala musogorhomwa muttuya onowoniha ezinddiyelo ya “abale athomeliwe egumi yamukalakala” iyo na murima wotene ninowiyelela osunza vamodha na iyene.—Mer 13:48.

NINAKOSE DHAVI:

• Omutamalele namasunzaya sabwa ya okana efunelo ya oziwa ebaribari.—1Tim 2:4

• Omwaddele ttima ya ovirihamo dhinsunziye.—Lk 6:46-49

• Omutapulelemo ensiba emariya ya muliba wala, ogamala omvuze wi atanalele enimutximiha ofiyedha ohiwodha ovisaddulela.—Mt 13:18-23

• Omwaddele mwaha onttiyedhiwe nsunzona, mbwenye ologe n’ekalelo y’ohimutota manyazo

• Omwaddele wi ogandowa vatakulu-vaye na mudhidhiya wi omukamihedhege owanana makattamiho anfwanyiye, ompange vina wi iyene agagana ovirihamo dhisunziliye, munela wiyelela nsunzona

KOONA VIDIYU NIKAANE EKALELO YA OMUZINDDIYELA NAMASUNZA OHINVIRIHAMO DHINSUNZIYE, OGAMALA WAKULE MAVUZO ABA:

• Txini enoneliwemo mwari mwa makani abale aloga namalaleya na namasunza waye ohinfuna wedda na magano ansuzihiwiye?

• Namalaleya omuzinddiyelihile dhavi namasunza wi onofuna ovisaddulele?

• Mazu gani alogile namalaleya amunonihedhagamo namasunza wi agafuna anela wiyelela nsunzona musogorho?