Anolaleya vakuvi na Monrovia, elabo ya Liberia

Mazu Oromana Makani

●○○ WAREDHELA WOROMA

Nivuzo: Dhinloga Bibilia dhinopureleyamovi ofiyedha masaka abano?

Nlebo: 2Tim 3:16

Wi Ninonelemo: Onoziwa muselu olebiwe mBibiliani?

○●○ LABO NOROMA WIYELELAWO

Nivuzo: Onoziwa muselu olebiwe mBibiliani?

Nlebo: Mt 6:10

Wi Ninonelemo: Mabasa gani anakose Omwene wa Mulugu velaboni ya vati?

○○● LABO NA WIYELELAWO WANAWILI

Nivuzo: Mabasa gani anakose Omwene wa Mulugu velaboni ya vati?

Nlebo: Dan 2:44

Wi Ninonelemo: Mabasaya aba agaroma, vati apano vanakale na ekalelo gani?

Oromana mweri obuno, dhipaddi esile ttaru dhakosiwa mwari mwa mulagiho wohirutxa, kadhinakosiwege vina. Nivuru nehu na Mabasa a Matugumano ninele okaana epaddi enkuweliwa mazu oromana makani, vanakalege nivuzo, nlebo vamodha na nivuzo nononihedhamo makaniya nigasekeserhiwa labo noroma wiyelelawo. Vagalagihiwa vidiyu modha bahi ya mazu oromana makani. Namalaleya mmodha-mmodha onelege osakula yeka manivuru anfuniye olaleyana vina labona na olaleyanawa—akala onfuna alabena mudhidhi wa waredhela woroma obe labo na wiyelelawo. Ekalawo yina vina, nivuru ntti na mabasa ninela okaana maswagiho a dhipaddi bili agafwarihedha makaniya. Kavali waganyedha, marhe aba anela wakamihedha “abale athomeliwe egumi yamukalakala.”—Mer 13:48.

Ottomiwa wa Anamasunza: Akala namasunzaya kanvahiwa maswagiho a okosana epaddi yaye, afware maswagiho a epaddi ya mazu oromana makani.