Chize Muhasa Kuhengwola
Yikuma ya Twanuke
Yisemi kali ni mulimo unene wa kulongesa ana jo hakutwala kuli Yehova. (Efwe. 6:4) Mba akwase yisemi, ululikiso wa Yehova wakutuhwisa mikanda, yinema ni miaso yinji. Kuchi yisemi mahasa kuzachisa yikwata yino hanga afumbe ana jo?
Yako mu site JW.ORG. Mu site yacho, muwanamo yinema ni yikuma yeswe yize akulingila twanuke.a Mba uyiwane ni kawashi, yako ha mushete hengwola hanga usonekeho ngwo, “Twanuke” hanji “Akweze.”
Sakula yikuma yize muyikwasa chinji ana je. Ha chikuma “Twanuke” muhasa kusakula yinema, miaso ni yikuma yikwo nawa yize muyikwasa ana je. Mba uyiwane, yako ha chikuma “Yikuma ya Kuzachisa ha Uwayilo wa mu Usoko.”
Palikisa mashimbu ni ana je. Kanda uzachisa yinema hanji yikuma yikwo hanga ukwase wika ana je kupwa ni mulimo. Shimbu uchilinge, hanjika no ha chikuma chacho ni kwakwasa kupwa masepa ja Yehova.
a Mu JW Library® mu limi lia putu muli yinema yeswe ya twanuke ni akweze, alioze kanda muchipwa yikuma yeswe ya twanuke yize twatongola hano.