Linjise mu Sango ja mu Mbimbiliya

Mu Mbimbiliya munazala too ni yuma yamwenemwene yize yakutulongesa yikuma yilemu. Nyi mulinjisa mu lusango muze unatange Mbimbiliya, munyingika kanawa yize unatange ni kuyuka chinji. Tutalenu yikuma yimwe yize muyihasa kutukwasa kulinjisa mu sango ja mu Mbimbiliya.

• Tanga ni liji mwilu. Kutanga ni liji mwilu, muchikukwasa kunyingika kanawa yize unatange. Muze nunatange Mbimbiliya mu usoko, munuhasa kusa mwono ha yize nunatange ha kusakula atu alisa hanga atange yihanda ya mutu ni mutu yoze anatongola mu lusango wacho.

• Nyonga ha yize yalingiwileko. Eseka kunyonga ni kulivwa ngwe chize alivwile mutu yoze anatongola mu lusango wacho. Ngwe chilweza, lihule ngwe: ‘Mumu liaka mutu yono ahanjikile mu mutapu au ni kulinga yuma mu jila yino? Yika kachi nanyongene hanji kuchi nalivwile nyi ngwe yami mwe napwile mu chihela chenyi?’

• Funjeka hanji kusoneka yize mutanga. Kusoneka hanji kufunjeka yize unatange, muchikukwasa kumona yuma yize unatange ni kwiuluka kanawa atu waze anatongola mu lusango wacho. Chikwo nawa, yize musoneka hanji mufunjeka kuyafupile kupwa yipema chinji.