Mulimo Walipwila wa mu Novembro wa Kwambujola Wanangana wa Zambi

Yesu kambulwile “sango lipema lia Wanangana wa Zambi.” (Lu 4:43) Yalweza nawa atu apwe ni kulemba hakutwala ku Wanangana wacho. (Mat 6:9, 10) Mu kakweji wa Novembro, mutusa tachi jinji hanga tulweze atu hakutwala ku Wanangana wa Zambi. (Mat 24:14) Lulieka kanawa katalilo we hanga ukalakale chinji mu mulimo wacho. Eswe malinga upionelu wa kukwasa mahasa kwambujola maola 30 hanji 50 ha kakweji wacho.

Sako tachi hanga utangile atu anji mu ngiza yenu chisoneko chize chinatale ha Wanangana wa Zambi. Nyonga ha mayingeleja waze atu a mu ngiza yenu akuya mba uhase kusakula kanawa chisoneko chize mukatanga. Nyi mutu yoze muhanjika nenyi mazanga kulilongesa, mwehe Kaposhi wa Kutalila wa mbunga No. 2, 2020. Watamba kufunyina mutu wacho kawashi, ni kweseka kuputuka longeso lia Mbimbiliya ni kuzachisa mukanda wa mu Mushete wa Yikwata ya Kulongesa Nayo. Kwasala hakehe hanga Wanangana wa Zambi ufwenye yiyulo yeswe yize yakulimika nawo. (Da 2:44; 1Ko 15:24, 25) Kashika tuzachisenu mashimbu wano alipwila hanga tusolole ngwetu twakuzeyela kuli Yehova ni ku Wanangana wenyi.