Kwambujola mu Jila Yalipwila mu Mulimo wa Wanangana wa Zambi ha Kakweji wa Setembro!

Ha kakweji wa Setembro, mutukasa tachi hanga twambujole mujila yalipwila hanga tukakwase atu kumona ngwo Wanangana wa Zambi we wika muukahwisa lamba hano hashi. (Mat 24:14) Kuchi yena muhasa kukwasa? Muhasa kusolola chimwe chisoneko chinatale ha Wanangana wa Zambi kuli atu anji ha kakweji wacho. Nyi umwe mazanga kukupanjika, mwehe Kaposhi No. 2 2020. Meneka cheka yoze unazange kulilongesa Mbimbiliya chikwo nawa, putuka longeso lia Mbimbiliya ni kamukanda Wahilila ku Mwono ku Miaka Yeswe! Waze analingi mulimo wa pionelu wa shimbu likehe mahasa kuhana maola 15 hanji 30 ha kakweji wa Setembro.

Wanangana wa Zambi Muukafwenya mawanangana ano akwo waze akulimika ni Zambi. (Da 2:44; 1Ko 15:24, 25) Tuzachisenu uhashi walipwila uze tulinawo haliapwila hanga tusolole ngwo twashishika kuli Zambi ni ku Wanangana wenyi.