Ambujola Sango Lipema Ngwo, Chifuchi Chaha Chinakundama!

Ha kakweji wa Novembro, mutusa tachi hanga twambujole sango lipema kuli atu ngwo, chifuchi chaha chinakundama. (Sam 37:10, 11; Uso 21:3-5) Lulieka katalilo we hanga uhase kwambujola chinji ha mashimbu a kwambujola chalipwila. Nyi muzanga kukalakala ngwe pionelu wa shimbu likehe, muhasa kuhana maola 30 hanji 50 ha kakweji wacho.

Lilulieke hanga utangile atu anji mu ngiza yenu chisoneko chize chinahanjika hakutwala ku chifuchi chaha. Muze unasakula chisoneko chize mukatanga, nyonga ha yize atu a mu ngiza yenu akuzanga. Nyi mutu yoze muhanjika nenyi ha kulitakana chitangu mazanga kulilongesa, mwehe Kaposhi wa Kutalila No. 2 2021, wa mbunga. Chikwo nawa, funa ni kumeneka kawashi-kawashi mutu wacho, nawa putuka longeso lia Mbimbiliya ha kuzachisa kamukanda Wahilila Ku Mwono Ku Miaka Yeswe! Cho kuwaha, kuhondangana chinji mu mulimo wa kwambujola “sango lia kuwaha lia yuma yipema”!—Iza 52:7.

SOLOLA CHINEMA CHA MWASO WA BROADCASTING CHIFUCHI CHAHA CHIZE MUCHIZA, MBA NUKUMBULULE YIHULA YINO:

• Yuma yika yipema muyikalingiwa kulutwe lia matangwa yize kanuke yono ananyongo?

• Yuma yika ya mu chifuchi chaha yize yena wakuzanga chinji?

• Kuchi kupukuna ha kutalatala che muchihasa kukukwasa kulilulieka hanga ulihane chinji mu mulimo wa kwambujola chalipwila ha Novembro?—Lu 6:45