¿Kãrẽ sãa jaradeɗekaɓua Noe ewari ɗebenaba?

Diosba chi ũrĩɗakaurã kenasia maũɗe Noe ichi deɗabenarã baara karibasia (Génesis 7:11, 12, 23)

40 ewari kuechesia newaẽweã. Bania ĩũjãɗe ʉtʉ waa birupeɗa, mãu ẽbẽrarã kachiruarãbaɗa kinisiɗaa.

Chi anjelerã ũrĩɗakaurã ãchi kakua ɓuiɗapeɗa mambae chi Diablo õme wauchiɗaa. Mara iɗi demoniorã maẽɓurã jaurirã.

Chi eɗa arkaɗe panuuturu karibakuasia. Bikaa, Noe chi deɗabenarã baara biusiɗaa, mamiɗa Diosba waya nibaɗe waɗamerã deaɗakai, mambaera biuɗaabai.

Diosba nãuɗe waya ẽbẽrarã kachirua kenakuarua maũɗe chi biakirureerã karibayʉa (Mateo 24:37-39)

Diablora ichi demoniorã baara iɗibae waaburu ẽbẽrarãmaa Jeowa beɗea ũrĩbikʉ̃rĩaẽmaapanua.

Iɗibae, Noe ewarika, ãrẽã waa ẽbẽrarã Jeowa ũrĩbabaɗawe. Ichia nãuɗe ẽbẽrarã kachirua siɗa kenakuarua (2 Pedro 2:5, 6).

Mamiɗa baraa ẽbẽrarã Noe kĩrã nũree maũɗe Diosba jararuu abaɗau. Mararã Jeowa ɗebena jaranũreerawaa.