¿Kairãba Dios ũrĩsiɗaa chi ĩũjã baniaba waa birusiiɗe?

Ẽbẽrarã Noe nibasii baarabena nekachiruaturu waubachiɗaa (Génesis 6:5)

Adan Eva baara warrarã kiriasiɗaa, maũba ẽbẽrarã isa barasia nãu ĩũjãɗe. Maũɗe, wabenarã anjelerã Diabloka bawasia. Mabae Dios õme kĩrũsiɗau.

Ãchirãra bajã ɗebena nesiɗaa mabae ãchi kakuarã ẽbẽra kĩrãka bawasiɗaa, ãchirãra werarã õme kimabarakʉ̃rĩasiɗauɗeba. Ãchĩra warrarã kachirua waa nũreasiɗaa mimichia chaareanũreara wara auɗe.

Chi ĩũjãra ẽbẽrarã kachiruaba waa birusia. Bibliaɗe bia jaraɓua “chi nekachirua mukĩraɗera warikoɓeesia ĩũjãɗe” maũɗe ẽbẽrarã waaburu nekachirua wauyuturu kʉ̃rĩsiakoɓeesia.

Noeba Dios ãrẽãturu ũrĩbabasia maũɗe wausia chi arka (Génesis 6:13, 14, 18, 19, 22)

Noe ẽbẽra biabasia. Jeowaba ẽbẽrarã kachiruarã kenakuai aɗabasia, do jũrũba maẽɓurã kue mimichia cheruuba asia.

Baura choroma mechiau wauba bakuruba ʉtʉ ũsaidea asia: chi arka Noeɗeɗe. Deɗabena maũɗe animararã baara ɓuikai ita.

Noeba wabenarãmaa jarakuasia mãu kue mimichia cheruu uruu maɗau ɗebena, bariburu ũrĩɗaẽbasia. Chi nũree ʉiɗapeɗa, maũɗe wara mimichia kĩrũsiɗaa maɗau.

Noeba chi arka wautaɗakare, eɗa chi animararã maũɗe deɗabenarã baara uaɗosia.