“Machi chiya kʉ̃ria panuubʉrã”
“Mʉa asebi ɓuu beɗea chi wiɗi jaraburua: kʉ̃riábaɗa machi chiya; ara jari mʉa kʉ̃ria ua nii kĩraka, machi chiya kʉ̃riaɗayua. Makaburu jomaurãba kuitaaɗayua machi mʉ kaaɗe ãda nureabarii: machi chiya kʉ̃ria panuubʉrã” (JUAN 13:34, 35).
¿Kãare jaradeasaa Jesusba? Jesusba jara ɓoosii ichi kaaɗe ãda nureerãmaa ãchia ãrĩã machi chiya kʉ̃riaɗayua ara jari ichia kʉ̃ria ua nii kĩraka. ¿Jesusba saka ãchi kʉ̃ria ua nibasaa? Ẽbẽrarã aribiaurãba miadaa kʉ̃risia panuumina ẽbẽrarã diwara puuruɗebena maebʉrã wẽrarãɗebena Jesusba kʉ̃risiaɗaabasia ãchi kĩraka (Juan 4:7-10). Jesús ɓiɗĩika descansa ɓosmina apiiwẽebasii junebenarã aiɗai baita (Marcos 6:30-34). Jesús dachi kakuaɗeeba biu ɓoosiiɗe unubisii ãrĩã kʉ̃ria ɓoosii dachi. Mauɗeeba ichia naka jara ɓoosii: “Mʉ oeja nubarii bia niibʉ. Chi oeja nubarii bia nii ichi oeja kakua biui ɓuu” (Juan 10:11, Biblia Chamí, WPS.).
Chi nabenarã cristianorã naka asebachiɗau. Chi nabenarã cristianorãba ãchi chiya “ãba“ maebʉrã “nawe kau“ abachiɗau (Filemón 1, 2). Congregacionɗe ẽbẽrarã diwara puuruɗebenamaa biʼia ersibisiɗau. Ãchia kʉ̃risiabachiɗau joma Dachi Akõreɗe ijãa panuuɗeeba ẽbẽrarã judioɗebena griegoɗebena ome ara aɓau nuree (Romanos 10:11, 12). Año 33ɗe, fiesta Pentecostés abadau terminaɗakare, chi Jesús kaaɗe ãda nureerã Jerusalenɗebenaba “ãchi drua mauɗe ne kaebea nedobʉiɗapeɗa chi nejarr barauwãe nureerãmaa ãchi nejarra deabachiɗau. Maka chi ãchiba uru panuuba chiya aiɗabachiɗau”. ¿Sakai baita? Ẽbẽrarã eaburu bautizapeɗaaɗa baɗa nau puuruɗe paneeɗai baita mauɗe aude apostolerãɗebena kawaɗai baita (Hechos 2:41-45, Biblia Chamí, WPS.). Doscientos año apostolerã biuɗakare mukĩra aɓa niiba Tertuliano abadau jara ɓoosii sakayua chi nabenarã cristianorãba naka asebachiɗau: “Ãchi biubadaumina ãchi chiya karebakuaɗayua ãrĩã kʉ̃ria ua nibasiɗau bẽrã”.
¿Iɗibea kairãba ara jãka asebadau? Chi libro Historia de la decadencia y ruina del Imperio romano abadauba jara ɓuu, yataɗeeɗebena chi cristiano a nuree “ãchi chiya aude supribibadau ẽbẽrarã diwara religionɗebenaba kachirua ase kʉ̃riasiɗau kãyabãra”. Estados Unidosɗe jarasiɗau ãrĩã ẽbẽrarã cristiano a nureerãba ẽbẽrarã kakua e diwara nureeɗebena bustaɗakau, maebʉrã ãchi ʉ̃rʉbena ãyaa jarabadau. Chi ẽbẽrarã diwarau puuruɗe duanuurã chi religión ara aɓa ɓuu kuitaa nuremina ãbua nuree wãe. Mauɗéburu chi nuree ãchiɗebena aiɗa nesita nuremina ãchi chiya aiɗa kʉ̃riaɗakau.
Año 2004ɗe, chi puuru michia Floridaɗe (Estados Unidosɗe) kimare kue mechibena che koɓeeɗa dos mesɗe. Maaɗakare chi presidente Comité de Operaciones de Emergencia jamariɗebenaba ochiaɗe wãsii chi ẽbẽrarã saka deɗeka panasii chi deapeɗaaɗaɗebena chi ẽbẽra aiɗaɗai baita. Ichia ochia ɓoosiiɗe chi Jeowa ɗebena Jaranũrẽrãba ãbua biʼia traja panasia, ichia jara ɓoosii joma ãchia nesita panuuɗebena dearua, naka apeɗa. Mau naeɗe, año 1997ɗe, chi nuree Jeowa ɗebena Jaranũrẽrã República Democrática Congoɗaa wãsiɗau ʉrrmiɗia, chiko mauɗe paru deɗekai baita jomaurã chi Jeowa ɗebena Jaranũrẽrã duanasiimaa mauɗe junebenarã nesita duanuurãmaa biɗa. Chi Jeowa ɗebena Jaranũrẽrã Europaɗebenaba deapeɗaaɗa baɗa maarãmaa aiɗaɗai baita, mau millón de dólares ɓoosia.