“Mʉa kawabiasia bichi trʉ̃”

“Bichiba mʉʉmaa ẽbẽrarã chi nuree nau iujãaɗebena deasii. Mʉʉba maarãmaa joma bichi ʉ̃rʉbena kuitaabiasii. [...] Mʉʉba maarãmaa bichi ʉ̃rʉbena kuitaabiasii. Mau awara maucha aude kuitaabiai” (JUAN 17:6, 26, Biblia Chamí, WPS.).

¿Kãare jaradeasaa Jesusba? Ichia kawabiaɗe wã ɓoosiiɗe chi Dachi Akõre trʉ̃ jarabachia. Chi Escrituras Hebreoɗebena lea ɓoosiiɗe chi Dachi Akõre trʉ̃ jara koɓeebachia (Lucas 4:16-21). Jesusba ichi discipulorãmaa nau siɗa wiɗi kawabiaɗa baɗa: “Dai Akõre bajãaɗe ɓuu, bichi trʉ̃ aude bibuara nii waabenarã trʉ̃ audeara” (Lucas 11:2, Biblia Chamí, WPS.).

Chi nabenarã cristianorã naka asebachiɗau. Pedro beɗeaɗe wãsiiɗe chi dawaraurã Jerusalenɗebenarã ome jara ɓoosii Dachi Akõreba “jʉrʉ adausii ichi puuruɗebena” nureaɗayua (Hechos 15:14, Biblia Chamí, WPS.). Chi apostolerã mauɗe chi june Jesús kaaɗe ãda nureerã omeeba naka kawabibachiɗau: “Jomaurãba Jeowa trʉ̃du jarabudaudu maarãdu karebakuaɗayua” (Hechos 2:21; Romanos 10:13). Carta ɓʉbudauɗe biɗa chi Dachi Akõre trʉ̃ ɓʉbachiɗau. Año 300ɗe ãrĩã cartarã ley judiaɗebena ãbua bʉekasiɗau, jãu libro chi Tosefta abadau, jãmaria jara ɓuu chi libro ɓʉpeɗaaɗa baɗa chi cristianorãba baakuapeɗaaɗa. Naka jara ɓuu: “Chi Evangeliorã mauɗe chi librorã sectariorãɗebena [librorã ẽbẽrarã judío mauɗe cristianorãɗebena] joma akawa baakuaɗayu mauɗe chi Dachi Akõre trʉ̃ ɓʉ kuɓuu siɗa jãma eɗa”.

¿Iɗibea kairãba ara jãka asebadau? Chi Biblia Revised Standard Version abadau, Consejo Nacionalba de las Iglesias de Cristo Estados Unidosɗe ɓʉɗa baɗa, naka jara ɓua: “Jesús neei naeɗe, chi judiorãba kʉ̃risiabachiɗau Dachi Akõre aɓaburu nii bẽrã, ichi trʉ̃ jaraɗaabai. Jãuɗeeburu jomaurã ẽbẽra nau iujãa jomauɗe Iglesia Cristianaɗebenaba jaraɗaabayu chi trʉ̃ Dachi Akõreɗe”. Mauɗeeba, chi beɗea Señor kuɓupeɗaaɗa Dachi Akõre trʉ̃ aɗai baɗaɗe. Chi Vaticanoba, ara nauɗebena jaraɗa baɗa chi obisporãmaa naka aseɗayuɗebena: “Misa asebudauɗe, kariɗapeɗa wiɗimaa duanuuɗe poyaa jaraɗaabai chi Dachi Akõre trʉ̃, chi naka jarabadau tetragrammaton YHWH”.a

¿Bara ɓubaaka chi ɓee religionɗe jaradeabadau Dachi Akõre trʉ̃ ʉ̃rʉbena? Chi kũudrãa puuru Kirguistanɗebena, Sergey abadauba, maka ɓuma apeɗa. Película ochiasiiɗe chi Dachi Akõre trʉ̃ Jeowa a ɓuu kawasii. Diez año ba ɓoosii maucha ũriibasii chi Dachi Akõre trʉ̃. Estados Unidosɗaa nibaɗe wã ɓoosiiɗe, ome niɗau Jeowa ɗebena Jaranũrẽrãba ichi deemaa kawabiaɗe wãsiɗauɗe, Dachi Akõre trʉ̃ unubisiɗau Bibliaɗe. Chi religión Dachi Akõre trʉ̃ jarabadau unusiiɗeeba, Sergey kĩrajʉʉ ãrĩã koɓeesii. Diccionarioɗe jʉrʉsiɗauɗe chi beɗea “Jeowa Dachi Akõre” naka a ɓuu: “Jeowáturu aɓaburu ɓuu chi Dios chi Jeowaɗebenarãba kʉ̃ria nuree” (Websterʼs Third New International Dictionary).

[Chi dore ɓʉ kuɓuu]