¿Kaiba Jesus?

Jeowaba Jesus ĩũjãɗaa ɓuesia (1 Juan 4:9)

Adan waui naẽɗe, Jeowaba bajãɗe anjel mechia chaareaɓuu wausia. Ichia nãu ẽbẽra kuitaɓuu ɗebena siɗa kawabikʉ̃rĩaɓua.

Ichia wauɗakaɗe, Diosba chi nãu anjel ĩũjãɗe adaubisia wawa kĩrã. Aweramaa mãu trũra Maria chi nãu wawa adausia Belenɗe. Mambae Jesus trũasiɗau (Juan 6:38).

Jesus nãu ĩũjãɗe nibasiiɗe, chi ẽbẽra bia ãrẽã nibasia, jomaũrã kʉ̃rĩapeɗa, Jeowa kĩrã. Maũɗeba, ẽbẽrarã Ichi jʉ̃kaaburu nũreaɗakʉ̃rĩabasia. Maũbapeɗa, chi ichiaraturu Dios ʉ̃rũbena jaradeɗekabasia waramaa wabeaweã.

Jesusba nekaebea mipitaa aseɗaa, bariburu ẽbẽrarã ãrẽãba chi iadabaɗa (1 Pedro 2:21-24)

Maũɗe ẽpermokeɗeaɗaa siɗa anibikua, chi nũree biupeɗaɗa waya piradrubikuaɗaa.

Chi boro ʉrsaɓeabaɗauba Jesus chi iadabasia, Jesusba ãchi setaaburu jarabaɗau maũɗe miaɗaabena asebaɗau jaraɓooɗaa.

Makaburu, chi boro ʉrsaɓeabaɗauba chi romanorãmaa sĩbiɗapeɗa mambae beabisiɗaa Jesus.