¿Saka kʉ̃riapeɗa ũriyua Dachi Akõreba bustabariika?

Lesion 13ɗe kawasiɗau kĩra, Dachi Akõreba bustakaa joma religiorã barau. Maamina, dachia dachi Waukaɗa baɗa kĩrajʉʉbiɗai ɓua kʉ̃riaɗapeɗa ũribudauba. ¿Sãuba “chi religión” ichimaa bustabarii? (Santiago 1:27; nota). Kawaɗaika Bibliaba jaradea ɓuuɗebena.

1. ¿Sama jara ɓua dachirãba saka kʉ̃riaɗapeɗa ũriɗayu Dachi Akõre?

Bibliaɗe jara ɓuu dachia saka kʉ̃riaɗapeɗa ũriɗayu Dachi Akõre. Jesusba jarasii Dachi Akõremaa: “Bichi beɗea biawãrabʉ” (Juan 17:17). Chi nuree religiorãba jaradeaɗakaa chi ariɗe ɓuu Dachi Akõreba ɓʉbiɗa baɗa ichi Beɗeaɗe, chi Biblia; bari ãyaaburu jaradea duanua ẽbẽra kʉ̃risɗebena. Maamina, Jeowaba bustakau ãyaa kuɓuɗayu ichia jaradeɗeka ɓuu (Marcos 7:9 leas). Mauɗe dachia ichi kĩrajʉʉbiɗai baita, Bibliaba jara ɓuu boroɗe ira panaɗayua mauɗe ichia jara ɓuu ũriɗai.

2. ¿Dachia saka kʉ̃riaɗapeɗa ũriɗai ɓua Jeowa?

Jeowaba dachi Waukaɗa baɗa bẽrã, ichidu kʉ̃riaɗapeɗa ũribaraaɗai (Apocalipsis 4:​11). Mauɗeeba ʉtaa wiɗibudauɗe, juaɗe imagen ira panaɗaabayua (Isaías 42:8 leas).

Dachi Akõre kʉ̃riaɗapeɗa ũriɗai baita jãu “jayoaswẽe ɓooyua mauɗe Dachi Akõreba ãrĩã bustayua” (Romanos 12:1). Dachi nureaɗayu ichia jara ɓuu kĩra. Chi Jeowa kʉ̃riabadaurãba ase panua chi ichia jara ɓuu kimabaraapeɗaaɗa duanuu baita. Mauɗe chi ẽpermabibadaurã aseɗakaa, jari cigarrillo doi, droga kũɗe ũbadau, itua doi ɓeeɗeeɗa.a

3. ¿Sakayua dachirãba kʉ̃riaɗapeɗa ũriɗaiba ẽbẽrarã aribiaurã ichi kʉ̃ria panuurã baare?

Reunión semanaɗebenaɗe biʼia beɗeaɗai ɓua “Jeowa ʉ̃rʉbena [...] chi konkrekasionɗe” (Salmo 111:​1, 2). Dachi Akõremaa kariɗai ɓua (Salmo 104:33 leas). Jeowaba dachimaa ãbua reuniɗai baita jara ɓua dachirã kʉ̃ria ua ɓuuɗeeba, maabea kuitaa ɓuu jãarã reuniorã dachirã kĩrajʉʉɗapeɗa biubariɗawẽa nureaɗai. Reunionɗaa wãbudauɗe dachi chiya kĩrajʉʉbadaa.

AUDE KAWABA

4. Biʼiawẽe ɓuu dachia ʉtaa wiɗibudauɗe juaɗe imagen ira panaɗayu

BIDEO: ¿Dachi Akõreba kʉ̃ria ɓoabaaka dachia imagen ira panaɗayu ichimaa ʉtaa wiɗibudauɗe? (3:26)

• ¿Kãare pasasaa chi Israelitarãmaa ãchia chi imagen paka warr kĩra aseɗapeɗa wiɗisiɗauɗe?

Chi nuree ẽbẽrarã Dachi Akõre kaita sentibadau ãchi juaɗe imagen ira ɓeebʉrã. ¿Jãuba Dachi Akõre jʉ̃kaa ara kaita bʉeka ɓobaaka? Éxodo 20:4-6 mauɗe Salmo 106:35, 36 leaɗapeɗa, mambea nau ʉ̃rʉbena beɗeasturu:

• ¿Bichi ɓoobariimaa ẽbẽrarãba kãare imagen juaɗe irabadaa ʉtaa wiɗiɗayua?

• ¿Jeowaba saka kʉ̃risiabaraa ẽbẽra ʉtaa wiɗiburuuɗe chi juaɗe imagen ira ɓuubʉrã?

• ¿Bichi baita biʼia ɓue ʉtaa wiɗiiruuɗe imagen juaɗe ira ɓooyu? ¿Sakayua maka kʉ̃risia ɓua?

5. Dachia Jeowadu kʉ̃riaɗapeɗa ũriɗarã, dachirãba setaarã waaburu kereaɗaabai

BIDEO: Mʉa Bibliaɗebena kawas bẽrã, jãabera mʉa kereakau setaa jara ɓee (5:16)

Salmo 91:14 leaɗapeɗa, mambea nau ʉ̃rʉbena beɗeasturu:

• Dachirãba Jeowadu kʉ̃riaɗapeɗa ũri niɗaubʉrã, ¿kãare aseiba ichia dachirã kakua?

6. Dachia Jeowa kʉ̃riaɗapeɗa ũri nuree reunión konkrekasionɗebenaɗe duanuuɗe

Dachirã kariɗapeɗa mauɗe dachia reunionɗe jua ʉtaa ʉaɗapeɗa beɗeabudauɗe, jãma dachia Jeowaɗebena biʼia jaramaa panua mauɗe dachi chiya kĩrajʉʉbi duanuu. Salmo 22:22 leaɗapeɗa, mambea nau ʉ̃rʉbena beɗeasturu:

• ¿Bustabaree ũriyu chi reunionɗe waabenarãba jua ʉtaa ʉaɗapeɗa beɗeabudaurã?

• ¿Bustai ɓue bichia naa kawapeɗa maabea reunionɗe jua ʉtaa ʉapeɗa beɗeayu?

7. Jeowaba ichia ãrĩãdu kʉ̃riabarii chi dachia kawapeɗaaɗa chi arabenamaa jaradeɗekaɗai baita

Dachia kawapeɗaaɗa Biblia ʉ̃rʉbena maarã ẽbẽrarãmaa nebʉrʉɗai ɓuu. Salmo 9:1 mauɗe 34:1 leaɗapeɗa, mambea nau ʉ̃rʉbena beɗeasturu:

• Joma bichia Bibliaɗebena kawa kuɓuu, ¿kãare jarayu waabenarãmaa bustai ɓua?

NAU KAWASIƊAA

Dachia Dachi Akõre kĩrajʉʉbiɗai baita ichidu kʉ̃riaɗapeɗa ũribaraaɗayua, chi reunión konkrekasionɗebenaɗe ichi ʉ̃rʉbena biʼia beɗeaɗayua mauɗe waabenarãmaa jaraɗayua chi dachia kawapeɗaaɗa baɗa.

Waya berreaɗaika

• ¿Sama jara ɓua dachirãba kʉ̃riaɗapeɗa ũriɗayu Dachi Akõre?

• ¿Sakayua kʉ̃riaɗapeɗa ũriɗaiba Jeowadu?

• ¿Sakayua dachirãba kʉ̃riaɗapeɗa ũriɗaiba ẽbẽrarã aribiaurã ome ichi kʉ̃ria panuurã baare?

NAU OCHIAS MAUCHABURU KAWAYUA

Leas chi wẽra niiba nebʉrʉ ɓuu “Mʉa ida ɓusii chi mʉa imagenmaa ʉtaa wiɗi ɓooɗa baɗa”, ¿kãare asesaa mau ida ɓui baita?

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 julioɗe 2011ɗebena)

Kawaba saka reunionɗe jua ʉtaa ʉapeɗa beɗeai ɓuu.

“Jeowa ʉ̃rʉbena biʼia beɗeaɗaika konkrekasionɗe” (Chi Kartaba, enero 2019ɗebena)

Ochiaba saka kũudrãa nii reunionɗaa wãyu chaarea ɓosmina, biʼia ãrĩã ɓoosii ichi baita.

Jeowaba mʉ ochia ua keraabarii (3:07)

Aribia ẽbẽrarãba kʉ̃risiabadaa chi cruz cristianorãɗeeba nee ɓua, ¿maka ɓumina Dachi Akõremaa ʉtaa wiɗibudauɗe chi cruz adauɗai ɓue?

“¿Sakayua Jeowa ɗebena Jaranũrẽba adauɗakaa chi cruz ʉtaa wiɗiɗai baita?” (Artículo jw.org ɗebena)