Aiɗa nibaba bichi konkrekasion

Cha nau iujãa jomauɗe, ẽbẽra ãrĩã nureerãba kĩrajʉʉ Jeowa ũriɗapeɗa kʉ̃riabadaa konkrekasion ãrĩãɗe. Cha naarã cristianorãba kauwa ũribadau ãchimaa asebibadau, maabea ãrĩã aiɗa nuree ãchi corazonɗeeba chi konkrekasion. ¿Bichis jãka sentibarika bichi konkrekasionɗe?

1. ¿Saka aiɗaɗai ɓua dachi konkrekasion ãchi baita tiempo saca ɓuuba mauɗe ara dachia biɗa bereka kiruuba?

Dachi jomaurãba jua deaɗai ɓua chi konkrekasionɗe. ¿Baraka ãbarã chõra chekerã maebʉrã ẽpermo keɗeerã bichiɗiɗe? ¿Aiɗai ɓue reunionɗaa wãɗayu baita? ¿Wãi ɓue chi mercado ũkuru nedoɗe? Makawẽebʉrã, ¿wãi ɓuka ãchi deemaa chiko chuuɗe maebʉrã destino aseɗe? (Santiago 1:27 leas). Mauɗe chi Jeowa ɗebena Jaranũrẽ Deeɗaa limpiayu wãɗai ɓuu mauɗe jãma daño baraa ɓee arreglaɗe wãɗai ɓua. Junebenarãba dachi obligaɗakaa jãu asei baita; dachia kʉ̃ria ɓuuɗeeburu aiɗabadaa Dachi Akõre kʉ̃ria niiɗeeba mauɗe dachi ãbarãɗeeɗa (Salmo 110:3).

Chi Jeowa ɗebena Jaranũrẽrã bautizapeɗaaɗarãba konkrekasionɗe ãrĩã aiɗaɗai ɓuu. Chi ãbarã Jeowaba jara ɓuu ase duanuurã, jãarã siervo ministerial baɗai ɓua, maaɗakare dawaraurã baɗai ɓua. Mauɗe jomaurã ãbarã nawekaurã baare, aude waaburu aseɗai ɓuu chi jaradeaɗe wãɗai baita precursor ba duanuuba. Maubapeɗa, chi nureeba ũkuru aiɗabadaa chi Jeowa ɗebena Jaranũrẽ De wauka duanuu biɗa dachirã reunión asebadauɗe. Mauɗe duanua chi nureerã junebena druaɗaa wãuribadau waaburu jaradeɗekaɗe.

2. ¿Saka aiɗaɗai ɓua chi konkrekasion ara dachi chi nejarraba mauɗe dachia inii baarauba?

Bibliaba jara ɓuu: “Jeowa respetapeɗa kʉ̃riaba chi kosa biʼia ɓee iniiɗeeba” (Proverbios 3:9). Dai ãrĩã kĩrajʉʉ duanuma dachi chi nejarraɗebena deaburuuba chi konkrekasion aiɗaɗayua, maabea nau iujãa jomauɗe jaradeɗekabadau aiɗayua (2 Corintios 9:7 leas). Chi nejarra dachi corazonɗeeba deaburuuba dachi ãbarã aiɗabadau kue ãrĩã cheburuuɗe, ioro uriburuuɗe mauɗe iujãa ee wãburuuɗe. Ãrĩãba chi nejarra “awara ɓuibadau” konkrekasionɗe deaɗayua (1 Corintios 16:2 leas). Chi Jeowa ɗebena Jaranũrẽ Deɗe cajaɗe deabadau, mama eɗa kuɓui ɓua chi nejarra dachia, makawẽebʉrã chi página donate.jw.org ɗe mandai ɓua. Jeowaba ida aiɗabibaria dachi chi nejarraɗeeba, dachia kawabi ɓua ichi dachia kʉ̃ria ãrĩã nii.

AUDE KAWABA

3. Chi nejarraɗeeba aiɗai ɓua

Jeowaba kʉ̃riabaria chi deaburuu kĩrajʉʉ ãrĩã niiba, mauɗe Jesús biɗa. Jesusba ochiaɗa baɗaa pẽdrãa nii poore ãrĩã nii ichia bereka deaɗa baɗaa chi nejarra Jeowa baita. Lucas 21:1-4 leaɗapeɗa, mambea nau ʉ̃rʉbena beɗeasturu:

• ¿Chi nejarra ãrĩãdu deayue dachia Jeowa kĩrajʉʉbiyua?

• ¿Saka sentibadaa Jeowa Jesús ome dachia deabudauɗe dachi corazonɗeeba?

Kuitaayua kãare asebadau chi nejarra deabadauba, BIDEO ochiábaɗa. Mambea nau ʉ̃rʉbena beɗeasturu:

BIDEO: ‘Dachi juaɗe yenabaria rekalo Jeowa baitaʼ (4:47)

• ¿Chi nejarra dachirãba deabadauba saka aiɗa ɓua konkrekasiorã nau joma iujãaɗebenarã?

4. Bichia jarayu ɓua aiɗai baita

Chi Jeowa baita trajabachiɗaurã naeɗeeɗabena ãchia aiɗapeɗaaɗa baɗa chi Jeowa de biʼia arregla inibaɗapeɗa, mara aɓa ɓuu chi nejarradu deaɗaa baɗaa. 2 Crónicas 34:9-11 leaɗapeɗa, mambea nau ʉ̃rʉbena beɗeasturu:

• ¿Kãare asesiɗaa jomaurã israelitarãba kuidaɗai baita “chi Jeowa de”, jaraibʉrã, araa ãbua kʉ̃riaɗapeɗa ũriɗe wãbadau de?

Ochiaɗayua saka asebadau chi Jeowa ɗebena Jaranũrẽrã Bibliaba jara ɓuu kĩra, BIDEO ochiábaɗa. Mambea nau ʉ̃rʉbena beɗeasturu:

BIDEO: Biʼia kuidaɗayua chi dachi reunionɗaa wãuribadaumarebena (3:31)

• ¿Sakayua biʼia ãrĩã ɓua biʼia jeraa inibaɗapeɗa maabea joma ochia inibaɗayua chi Jeowa ɗebena Jaranũrẽ De?

• ¿Saka aiɗai ɓua bichia?

5. Chi ãbarã ãrĩã berekabaraaɗai ɓuu aude trajaɗayua Jeowa baita

Bibliaba jara ɓuu chi mukĩrarã cristianorãmaa berekaɗayu ãchi waaburu trajaɗayua Jeowa baita, makaburu aiɗaɗai ɓua joma chi konkrekasion baita. Unuɗayua ãba aɓa nii jãka aseɗa baɗa, BIDEO ochiábaɗa. Mambea nau ʉ̃rʉbena beɗeasturu:

BIDEO: Mukĩrarã, berekábaɗa aude trajaɗayua Jeowa baita (5:23)

• ¿Kãare aseɗa basaa Ryanba aude trajayua Jeowa baita maabea waaburu aiɗa nibayua chi konkrekasionɗe?

Bibliaba jara ɓuu kãare aseɗayu chi ãbarã siervo ministerialna mauɗe dawaraurã baɗayua. 1 Timoteo 3:1-13 leaɗapeɗa, mambea nau ʉ̃rʉbena beɗeasturu:

• ¿Kãare aseɗaiba ãbarãba siervo ministerialna mauɗe dawaraurã baɗayua?

• ¿Kãare aseɗaiba chi deɗabenarã? (Versiculorã 4 mauɗe 11 ochiábaɗa).

• Chi ãbarã bereka asebudaubʉrã chi Bibliaba jara ɓuu kĩraka, ¿saka koɓeeyu chi konkrekasion?

NAU KAWASIƊAA

Jeowa kĩrajʉʉ ãrĩã ɓoobaria dachirã berekabudauɗe tiempo sacaɗapeɗa, ara dachi chi nejarraba mauɗe dachia inii baarauba deaburuuɗe konkrekasion aiɗayua.

Waya berreaɗaika

• ¿Saka aiɗaɗai ɓua dachi konkrekasion ãchi baita tiempo saca ɓuuba mauɗe ara dachia biɗa bereka kiruuba?

• ¿Saka aiɗaɗai ɓua chi konkrekasion ara dachi chi nejarraba mauɗe dachia inii baarauba?

• ¿Saka bustai ɓua bichia chi konkrekasion aiɗayua?

NAU OCHIAS MAUCHABURU KAWAYUA

Kawas sakayua Dachi Akõreba jãabera ichi kʉ̃ria nureerãmaa diezmo wiɗikau.

“¿Saka jara ɓua Bibliaba diezmo ʉ̃rʉbena?” (Artículo jw.org ɗebena)

Bibliaba trajo mukĩrarã bautizapeɗaaɗarãmaa dea ɓua. ¿Kãare pasa ɓua wẽra bautiza nibaɗaba jãu trajo ase ɓuubʉrã?

“Chi autorida baraanuree konkrekasionɗebena” (Chi Kartaba, febrero 2021ɗebena)

Unukuase chi ɓee Jeowa ɗebena Jaranũrẽ kĩra ʉɓʉa duanuurã ãrĩãdu berekabadau ãchi ãbarãba kartarã juaɗe ira duanaɗayua.

Kartarã Bibliaɗebena Congoɗe deɗekabadau (4:25)

Kawase samabena Jeowa ɗebena Jaranũrẽba adaubadau chi nejarra ãchi trajo aseɗayua diwarau religión kãyabãra.

“¿Samabena Jeowa ɗebena Jaranũrẽba adaubadau chi nejarra ãchi trajo aseɗai baita?” (Artículo jw.org ɗebena)