BEƊEA ERDAUBA
LECCIÓN 1
Ẽbẽramaa beɗeaba ichia beɗea kʉ̃ria ɓuuɗebenadu
Bibliaba naka jara ɓuu: “Chi waabenarã kʉ̃riabariiba […] ara ichi báitaburu ɓuu kʉ̃risiakau” (1 Cor. 13:4, 5).
Chi Jesusba aseɗa
1. VIDEO ochias maebʉrã Juan 4:6-9 leas. Maabea nauɗe kʉ̃risiaba:
¿Jesusba kãare ochiaɗa basaa wẽra ome beɗea koɓeei naeɗe?
Jesusba jaraɗa: “Mʉʉmaa bania dease” aɗa basia. ¿Sakayua biʼia ɓoosaa jãka beɗea erdaui baita?
¿Kãare kawa panaa Jesusba aseɗa?
2. Beɗea erdaubudaubʉrã chi ẽbẽraba beɗea kʉ̃ria kuɓuuɗebenadu, makaburu ichi ome biʼia beɗeayua.
Jesusba aseɗa kĩra aseba
3. Beɗeaba chi ẽbẽraba beɗea kʉ̃ria kuɓuuɗebenadu. Bichia beɗea kʉ̃ria kuɓúturu beɗea erdaui kãyabãra, beɗea erdauba chi ẽbẽraba beɗea kʉ̃ria kuɓuuɗebenadu. Nauɗe kʉ̃risiaba:
“¿Radioɗe maebʉrã televisionɗe kãare noticia ũribaraa?”.
“¿Kãareɗebena beɗea nuree ẽbẽra mʉ comunidadɗebena, mʉ kõpaerorã trajoɗebena, maebʉrã escuelaɗebenarã?”.
4. Kauwa ochia kuitaa nibaba. Nauɗe kʉ̃risiaba:
“¿Kãare ase kuɓuu ara nauɗe chi ẽbẽra? ¿Kãareɗe kʉ̃risia kuɓubaama?”.
“¿Chi ropa saka jʉ̃ nii? ¿Chi kĩadarr saka kuɓuu? ¿Chi de saka kuɓuu? ¿Kãareɗe ijãa nii?”.
“Ocupa kuɓuu maebʉrã ẽpermo kuɓuubʉrã, makarã ara jãuɗe beɗeayu baita, ¿ariɗe ɓubaaka?”.
5. Ũriba chi ẽbẽraba jara kuɓuu.
Ãrĩã beɗearã́ba.
Ida chi ẽbẽradu beɗeabiba. Wiɗii ɓuubʉrã, wiɗiba.