BEƊEA ERDAUBA
LECCIÓN 2
Naa ẽbẽra ome beɗeaba maabeaburu Bibliaɗebena jarayua
Bibliaba naka jara ɓuu: “Chi niiba ichimaa jarayu nesitaburuuɗe, jarabudaubʉrã, jãka biʼia ãrĩã ɓua” (Prov. 15:23).
Chi Felipeba aseɗa
1. VIDEO ochias maebʉrã Hechos 8:30, 31 leas. Maabea nauɗe kʉ̃risiaba:
¿Felipeba saka beɗea erdauɗaba?
¿Sakayua biʼia ɓoosaa naka beɗea erdaui baita kawabiyua nau mukĩramaa?
¿Kãare kawa panaa Felipeba aseɗa?
2. Naa chi ẽbẽra ome beɗeaɗapeɗa maabeaburu Bibliaɗebena beɗeabudaubʉrã, chi ẽbẽra biʼia sentipeɗa ũri kʉ̃riai ɓua chi dachia kawabiburuu.
Felipeba aseɗa kĩra aseba
3. Kauwa ochia kuitaa nibaba. Ochiaba chi ẽbẽra kĩadarr, ¿saka kuɓuu? ¿Beɗea kʉ̃ria kuɓubaaka maebʉrã beɗea kʉ̃riawẽebaa? Bibliaɗebena beɗea erdauyua bichia naka jarai ɓua chi ẽbẽramaa: “¿Bichia kuitaa ɓoosẽe…?”. Chi ẽbẽra beɗea kʉ̃riawẽebʉrã, ida ɓuba.
4. Kĩrukaraarã́ba. Bichi aɓaeɗe Bibliaɗebena beɗeabayua. Naa chi ẽbẽra ome biʼia beɗea erdauyua, maabeaburu beɗeayubʉrã, beɗeaba chi Bibliaɗebena. Ara jãuɗe Bibliaɗebena beɗeawẽe ɓuubʉrã, jãaɗakare biɗa beɗeayu.
5. Beɗeaba chi ẽbẽra beɗea kʉ̃ria ɓuuɗeburu. Bichia naeɗe kʉ̃risiaɗabʉrã kãareɗebena beɗeayu, chi ẽbẽraba juneburu beɗeaburuubʉrã, bichia jarai baɗa jararã́ba, jãabera beɗeaba ichia beɗea kʉ̃ria kuɓuudu.
NAU SIƊA OCHIAS
Ecl. 3:1, 7; 1 Cor. 9:22; 2 Cor. 2:17; Col. 4:6