Ẽbẽra bia nibaba

Chi Jesusba aseɗa

VIDEO: Jesusba mukĩra dau pãriu aribiabiɗa

1. VIDEO ochias maebʉrã Juan 9:1-7 leas. Maabea nauɗe kʉ̃risiaba:

1. ¿Kãaredu naa aseɗaba Jesusba: chi dau pãriu nii aribiabisẽe, maebʉrã chi beɗea biaɗebena ichimaa beɗeasaa? (Juan 9:35-38 ochias).

2. ¿Sakayua chi mukĩraba Jesús ũri kʉ̃riasaa?

¿Kãare kawa panaa Jesusba aseɗa?

2. Chi ẽbẽraba dachia kʉ̃ria beɗeaburuu unupeɗa mauɗe dachia aiɗa kʉ̃ria ɓuu unuburuuɗe, jãuba ũri kʉ̃ria koɓooyua dachia jaradeaburuu.

Jesusba aseɗa kĩra aseba

3. Chi ẽbẽraɗe kʉ̃risiaba. Kʉ̃risiaba saka senti ɓuu chi ẽbẽra.

1. Nauɗe kʉ̃risiaba: “¿Kãarebaama chi ẽbẽra ãrĩã kʉ̃risia kuɓuu? ¿Kãareɗebena beɗea kʉ̃ria kuɓubaama?”. Nauɗe kʉ̃risiaruubʉrã, kawayua kãareɗebena beɗeai mauɗe saka aiɗayu chi ẽbẽra.

2. Kauwa kuitaa ũriba chi ẽbẽra beɗearuu, unubiyua bichia kuitaa kʉ̃ria kuɓuu saka senti ɓuu maebʉrã saka kʉ̃risia kuɓuu. Chi ẽbẽraba beɗeaburuubʉrã saka senti ɓuu maebʉrã problemaɗebena beɗeaburuubʉrã, bari ũriba, ãi beɗearã́ba.

4. Kʉ̃ria ãrĩã beɗeapeɗa respeto iɗaa. Dachia biawãra aiɗa kʉ̃ria ɓuubʉrã, ẽbẽra kachirua ãrĩã kʉ̃risia kuɓuu miachuburi senti kuɓuuɗeeba, kʉ̃ria ãrĩã beɗeayua. Makarã biʼia ãrĩã kʉ̃risiaba kãareɗebena beɗeayu mauɗe saka beɗeayu. Chi ẽbẽra akawa kachirua ãrĩã sentibii baita beɗearã́ba.

5. Bichia aiɗayu jaraba. Ara bichia aiɗai kuɓuudu, aiɗaba. Bichia chi ẽbẽra aiɗaaruubʉrã, ichi bichi ome beɗea kʉ̃riai ɓua.