BEƊEA ERDAUBA
LECCIÓN 4
Kʉ̃risiaba waabenarã bichi aude nuree
Bibliaba naka jara ɓuu: “Kʉ̃risiásturu waabenarã machi audeara biʼia nuree” (Filip. 2:3).
Chi Pabloba aseɗa
1. VIDEO ochias maebʉrã Hechos 26:2, 3 leas. Maabea nauɗe kʉ̃risiaba:
Pabloba ichidu chi rey Agripa aude kuitaa nii aabasii bẽrã, ¿kãare jarapeɗa mauɗe saka jarasaa?
¿Kãare aseɗaba Pabloba chi ẽbẽraba ichiɗeburu kʉ̃risiawẽa, bari Jeowadu kʉ̃risiapeɗa mauɗe ichi Beɗeadu? (Hechos 26:22 ochias).
¿Kãare kawa panaa Pabloba aseɗa?
2. Respeto iɗaa ẽbẽra ome beɗeabudaubʉrã, mauɗe dachidu ãchi aude nii kĩra jaraɗawẽa, makarã ãchia ũri kʉ̃riaɗai ɓua dachia jarabudau.
Pabloba aseɗa kĩra aseba
3. Junebenarãmaa kʉ̃risiabirã́ba bichidu ãchi aude nii. Chi ẽbẽramaa kʉ̃risiabirã́ba bichiaburu joma kuitaa nii mauɗe ichiarawẽe. Respeto iɗaa beɗeayua.
4. Jaraba bichia kawabi nii Bibliaɗebenadu. Chi Dachi Akõre Beɗea neebii ɓua ẽbẽra corazonmaa, maabea biʼia ɓuudu asebibaria. Dachia Bibliaburu jaradeabudaubʉrã, jãka aiɗa panua ãchia ijãaɗai baita Bibliaburu ariɗe jara ɓuu.
5. Kĩruwẽa beɗeaba. Chi ẽbẽraba ariɗe kʉ̃risiawẽebʉrã dachirãba jara nuree, apii jara ɓeebayua dachia jara kuɓuudu ariɗe ɓuu apeɗa. Mau kakua biɗa peleabayua. Kʉ̃risiawẽebʉrã junebena aude kuitaa kuɓuu, makarã kĩru koɓeebayua, bari kuitaa koɓooyua saka ida kuɓuyu beɗea koɓooɗa maabea wãyu (Prov. 17:14; Tito 3:2). Bichi kĩrui baɗa kãyabãra kʉ̃ria iɗaa beɗearuubʉrã, jãɗakare chi ẽbẽra waya beɗea kʉ̃riai ɓua bichi ome.