Ãchi nibapeɗaaɗabaɗa Bibliaɗeeba kambiasia
¿MUKĨRA chi nejarra ãrĩã bara nibaɗa Escociaɗebena, ichi baita kãare biʼia ãrĩã ɓoosii chi nejarra kãyabãra? ¿Saka mukĩra Brasilɗebena nii ida ɓuɗa baɗa ichi wẽra pã nibaɗa mauɗe chi torr dobarii baɗa? ¿Mukĩra Esloveniaɗebena saka ida ɓuɗaba itua dobarii baɗa? Ida ãchimaa panaubiɗaika.
“Mʉʉmaarã mʉ kĩrajʉʉ niika ɓoosia” (JOHN RICKETTS)
AÑO NACEƊAƊEBENA: 1958
SAMABENA: ESCOCIA (REINO UNIDO)
ICHI Ʉ̃RɄBENA MAUCHA JARA ƁUU: ICHI EMPRESA CHI BARI MAUƊE CHI NEJARRA ÃRĨÃ BARA NIBAƊA
MɄ BIBLIA ESTUDIAI NAEƊE SAKA NIBASAA: Mʉ chuburi niiɗe chi nejarra ãrĩã bara nibasiɗaa. Mʉ akõre ejército britanicoɗebena oficial baɗa, jãuɗéburu mʉ deɗabena ãrĩã junebena puuruɗaa panaɗe wãbachiɗaa. Escociaɗaa ɓooɗe wãpeɗaaɗa, maaɗaare Inglaterraɗaa, Alemaniaɗaa, Keniaɗaa, Malasiaɗaa, Irlandaɗaa, mauɗe Chipreɗaa. 8 año niiɗeeɗa diwara ɓee internado Escociaɗe estudiaɗa, maaɗakare mʉ graduaɗa baɗa Universidad Cambridgeɗe.
Mʉ 20 año baɗakare, mʉ trajaɗa profesional kĩra ocho año industria petroleraɗe. Naeɗe trajaɗa baɗa América del Surɗe, maaɗakare Africaɗe, mauɗe kaaɗe Australia Occidentalɗe, mama aria empresa wauɗa, mau baɗa nedobʉiɗa.
Jãu empresa mʉa nedobʉiɗa baerã 40 año niiɗe jubilasii. ¿Kãare asei basii mʉ jãabaera trajakauɗe? Bari viaja nibaɗe wãɗa. Dos ɓes wãɗa baɗa Australiaɗaa motoɗe, nau iujãa jomaɗe viajaɗa baɗa. Mʉʉmaarã mʉ kĩrajʉʉ niika ɓoosia.
BIBLIABA MɄ SAKA NIBAƊA KAMBIASAA: Mʉ jubilai naeɗe, mʉ sentiɗa baɗa nesta kuɓuu Dachi Akõremaa ara kiruma ai baita joma mʉʉmaa dea ɓuaɗaɗeeba. Makarã chi Iglesia Anglicanaɗaa wã koɓeeɗa, mʉ kaebea nibasiiɗeeɗa araa mʉ akõrerãba odoebachiɗau, maka ɓumina aria Bibliaɗebena ãrĩã kawabiɗakabasii. Maabae, estudia koɓeesii mormones abadaurã ome, biawãra mʉa bustaabaɗa, Bibliaɗebena ãrĩã beɗeakabachiɗauɗeeba.
Ɓes aɓa, Jeowa ɗebena Jaranũrẽ neesiɗau mʉ deemaa. Aɓaeɗe mʉa kawasii ãchia jaradeabadau Bibliaɗe eɗa kuɓuuɗeeburu. Aɓa ɓuu texto mʉʉmaa unubisiɗau 1 Timoteo 2:3, 4, Biblia Chamí, WPS., jãma jara ɓuu: “Ichiba kʉ̃ria ɓuu jomaurãba chi biawãra beɗea kuitaapeɗaaɗa kachiruaɗebena karibaɗai”. Mʉʉmaa ãrĩã bustaɗa baɗa Jeowaɗebenarãba Bibliaɗebena biawãra ɓuu ʉ̃rʉbenadu kawaɗayu kʉ̃risiabadaa.
Estudiaburuuɗe ãchi baare, mʉa kawasii biawãra ɓuu ʉ̃rʉbena. Mʉa kĩrajʉʉ kawaɗa baɗa Dachi Akõre Jesús ome diwara nurea, õbeaɗebena aɓa ɓuuɗebenawãema (Juan 14:28; 1 Corintios 11:3). Naeɗeeɗa, mʉ tiempo ãrĩã perdeɗa basia jãuɗebena kawai baita, maka ɓumina biawãra ɓuu kawarúturu fácil ãrĩã ɓoosia.
Maabae wã koɓeesii chi reunión Jeowa ɗebena Jaranũrẽɗeɗaa. Ãchirã ẽbẽra bia nibapeɗa jipa nibasiɗaa, mʉa madu ãrĩã bustaɗa baɗa. Mʉʉmaarã jãarã santo kĩra nureaɗa. Ãchi chiya ãrĩã kʉ̃ria panuu baerã, mʉʉmaarã ãchi religión biawãra ɓuuɗeburu duanuu (Juan 13:35).
KÃARE KOSA BIA UNUƊE WÃSAA: Mʉ bautizaɗakare, wẽra Diane abadau unuɗa baɗa, ichi kĩrawãrea ãrĩã nii. Ichi chuburi nibasiiɗeeɗa ichimaa Jeowaɗebena kawabipeɗaaɗa baɗa. Mʉa ichi kʉ̃ria koɓeesii ẽbẽra bia nibasii baerã, mauɗeeburu mau kaaɗe kãipeɗaaɗa. Ichi ome ãbua nibapeɗa mauɗe ichia mʉ aiɗaburuu mʉʉmaarã kĩrabara Jeowaba mʉʉmaa bendición dearuuka ɓuu.
Mʉ daiba junebena puuruɗaa wã kʉ̃ria panasii Bibliaɗebena kawabibadaurã wãʼãe duanuumare, makarã 2010ɗe mʉ dai ɓooɗe wã panasii Beliceɗaa, Centroamericaɗe. Nama aria ẽbẽrarã Dachi Akõre kʉ̃riabadaurãmaa jaradea niɗau ãchia waaburu kawaɗa kʉ̃ria panuu ichi ʉ̃rʉbena.
Jãabeaburu kawasii ariɗe ɓuu Dachi Akõre mauɗe chi Bibliaɗebena, mʉ jãabaera wẽsaa diɗisia. Mʉ precursor basii baerã, kĩrajʉʉ ãrĩã kawabiakuaɗa baɗa ẽbẽrarãmaa Dachi Akõre Beɗea ʉ̃rʉbena. Chi Bibliaba ẽbẽrarã naeɗe miadaa nibapeɗaaɗa cambiabii ɓuu, jãu unuuruuba mʉ kĩrajʉʉbi ɓua ara jari mʉ naeɗe nibaɗa cambiabisiichaa. Nau aseburuuba Jeowamaa ara kiruma jara ɓua ichia mʉ aiɗa baɗa kakua.
“Ãchirã mʉ ome ẽbẽra bia ãrĩã nureasia” (MAURÍCIO ARAÚJO)
AÑO NACEƊAƊEBENA: 1967
SAMABENA: BRASIL
ICHI Ʉ̃RɄBENA MAUCHA JARA ƁUU: ICHI WẼRA PÃ NIBAƊA
MɄ BIBLIA ESTUDIAI NAEƊE SAKA NIBASAA: Puuru Avaré abadauɗe mʉ wariɗa baɗa, jãu estado São Paulosɗe ɓee ɓuu, jãma ẽbẽrarã nureasii nejarr wãʼãe kirureerã́turu.
Mʉ akõre biuɗa baɗa mʉ nacei naeɗe. Mʉ chuburi nibasiiɗe mʉ dana deeɗa wãʼãeɗe ichi paru jʉ̃i bustabachia. Mʉ wẽra kĩraka tʉapeɗa mauɗe chi beɗeai siɗa wẽra kĩra beɗea noɓeeɗa basia, jomaurã ẽbẽraba kuitaa nureasii mʉ wẽra pãɗe basii. Junebena kũudrãarã baara kãi nibaɗe wãsia, mauɗe mukĩra dawara nuree baara.
Mʉ dawarau baaruuɗe, mʉ wã koɓeeɗa baɗa bar, cantina, club ɓeerãɗaa mauɗe iglesiarãɗaa biɗa jʉrʉɗe wãɗa baɗa mukĩra baara kãiyua mauɗe wẽra baara biɗa. Carnaval diarãɗe, wẽra paru jʉ̃tapeɗa maabae desfilerãɗe baerabachia. Mʉ biʼia wãbachia.
Mʉ amikorã wẽra ãchi kakua nedobʉebadaurã, wẽra pãrã mauɗe droga ãrĩã dobadaurã. Chi nureerãba mʉʉmaa chi torr siɗa dobibachiɗaa, mʉ ara mauɗe bustaɗa basia. Chi ẽsebuɗe joma ãchi baara do ɓeebachia mauɗe ɓesɗe du aɓa ɓuu do ɓeebachia. Mauba akawa ɓʉʉrʉa ɓeeɗaɗeeba mʉ sida bara nii abachiɗaa.
BIBLIABA MɄ SAKA NIBAƊA KAMBIASAA: Maka ɓuuɗe, mʉa Jeowa ɗebena Jaranũrẽ unusia. Ãchirã mʉ ome ẽbẽra bia ãrĩã nureasia. Ãchia mʉʉmaa leasiɗau Romanos 10:13, jãma jara ɓuu: “Jeowa trʉ̃du jarabudaudu maarãdu karebakuaɗayua”. Makarã mʉa kawaɗa baɗa importante ãrĩã ɓua Dachi Akõre trʉ̃ jaraɗayu. Ɓoosia chi torr doɗakare joma ẽsebuɗe, ventana ewatabachii chi bajãa ochiayua maabea Jeowamaa ãrĩã wiɗi ɓeebachii jẽa awa ɓuuba mʉ aiɗabiyua.
Mʉa kawasia mʉ dana ãrĩã nomaa senti ɓoosia mʉ kachirua ase nii unuuruuba, mauɗeeburu mʉa chi torr do nibabarii baɗa ida ɓui kʉ̃risiaɗa baɗa. Mau kaaɗeburu, Jeowa ɗebena Jaranũrẽrã ome estudia koɓeesia. Ãchia mʉʉmaa jarapeɗaaɗa jãka estudiaburuuba ida ɓui ɓoosia chi do nibabarii baɗa, mau maka basia.
Bibliaɗebena ariɗe kuɓuu kawa kãribaɗe wãburuuba, kuitaa koɓeesii mʉ naeɗe nibaɗa ida ɓuyu. Mʉ baita chaarea ɓoosii mukĩrarã baara kãi ɓoobarii ida ɓuíturu, mau mʉ chuburi niiɗeeɗa jãu aseɗa basii. Ida ɓuɗa baɗa amikorã naeɗe nibaɗa meraayu, mauɗe ida ɓuɗa barɗaa mauɗe chi clubɗaa wãyu.
Mʉ baita mau chaarea ɓuaɗa, mʉa bustabachii kuitaai Jeowaba mʉ ãrĩã kʉ̃ria nii mauɗe ochia kuɓuu mʉ saka berekabachii cambiai baita (1 Juan 3:19, 20). Año 2002ɗeeɗa, mukĩrarã baara kãi ɓoobarii baɗa ida ɓuɗa basia maabae Jeowa ɗebena Jara nibabarii kĩra bautizaɗa basia.
KÃARE KOSA BIA UNUƊE WÃSAA: Mʉ dana akawa kawawẽa aka noɓeeɗa basia mʉ ãrĩã cambiaruu unusiiba, maabae ichi siɗa Biblia estudia koɓeeɗa basia. Maka ɓumina, mia chuburi, ichi infarto dachi boroɗe deaɗa basia. Ichi maka ɓuu adua, ichia Jeowa ãrĩã kʉ̃riapeɗa mauɗe Biblia siɗa kʉ̃ria nia.
Ocho año basiiɗeeɗa junebena ẽbẽramaa Bibliaɗebena ãrĩã kawabia nia. Ɓesɗe chi kachirua ɓuu ase kʉ̃riabaria, mʉa jãu asewẽebʉrã, kuitaa ɓuu Jeowa mʉ ome kĩrajʉʉ nii.
Dachi Akõre kaita nibapeɗa mauɗe chi ichia jara ɓuu aseburuuba ara mʉchi du aɓa aude kʉ̃ria ɓeesia. Jãabaeburu jarai ɓuu mʉ, mukĩra kĩrajʉʉ nibaɗe wãsia.
“Mʉa ãrĩã itua dowẽa nibakabachii” (LUKA ŠUC)
AÑO NACEƊAƊEBENA: 1975
SAMABENA: ESLOVENIA
ICHI Ʉ̃RɄBENA MAUCHA JARA ƁUU: ITUA ÃRĨÃ DO NIBABACHII
MɄ BIBLIA ESTUDIAI NAEƊE SAKA NIBASAA: Puuru Liubliana abadauɗe naceɗa baɗa, jãu Esloveniaɗebena chi capitalbʉ. Mʉ chuburi nibasiiɗe biʼia nibasmina, mʉ 4 año niiɗe mʉ akõre du aɓa biuɗa baɗa. Mau kakua, mʉ dana chaarea traja koɓeeɗa mʉ ãba mʉ ome ochia uayua.
Mʉ 15 año nibasiiɗe, mʉ mamita deemaa ɓooɗe wãɗa baɗa. Ichi ome ãrĩã vivi kʉ̃ria nibasii, mʉ amikorã ichi ɓoobariimarebena baɗa baerã mauɗe ariaburu awara calleɗaa wãi ɓoosii mʉ dana baara ɓooi kãyabãra. 16 año baɗakare, meraa ɓeesia ẽbẽrarã semanacha doɗe wãbadaurã ome. Mʉ buɗa chebipeɗa, mʉ paru jʉ̃ nibaɗe wãsii ẽbẽra chi iadaa ãrĩã nii kĩra, maabae cigarrillo do koɓeesia.
Drogarã barikia ɓee doɗa basia, chi aude bustaɗa baɗa ituáturu. Naeɗeeɗara vino ɓiɗĩikaburu do nibasia, maabera botella mʉchi du aɓauba do nibasia. Itua biu koɓeeburuuɗe biʼia ɓua unubiibayu. Maka ɓumina ɓesɗe chi ʉ̃yababa kawabibachiɗaa. Maka kuɓuuɗe ẽbẽrarãba akawa kawaɗakabachiɗaa vino ãrĩã doɗa baɗa maebʉrã, cerveza vodka baara pera nuɓuu.
Ɓesɗe mʉa amikorã jidau unibabachii jeeɗa ɓaebiimaaba, discotecaɗe itua dopeɗaaɗakare, mʉra aude doɗa basmina. Earaɓa, amiko niiba aɓaumaa jaraɗa basii mʉ ãrĩã itua dowẽa nibakabachii. Jãuba mʉ biʼiwãe ãrĩã sentibiɗa.
Mʉa kʉ̃risiaɗa baɗa mʉ kachirua asemaa ɓuu. Maabae kʉ̃risiaɗa baɗa mʉ akawa serviwẽa nii. Mʉ kĩrajʉʉ nibaabaɗa.
BIBLIABA MɄ SAKA NIBAƊA KAMBIASAA: Mʉa unuɗa baɗa kõpaero claseɗebena ichi cambiaɗa baɗa naeɗe nibaɗa, ichi biʼia ãrĩã nibaɗe wãɗa. Mʉa kawa kʉ̃ria ɓoosii sakãera ichi cambiaɗa baɗa, mauɗeeburu cafeteriaɗaa wãɗa aɗa baɗa ichi ome beɗeayua. Mʉʉmaa jarasii ichi Bibliaɗebena estudia koɓeeɗa baɗa Jeowa ɗebena Jaranũrẽrã baare. Mauɗe mʉʉmaa jaraɗa baɗa chi ichia kawa kãriiɗebena. Mʉa Bibliaɗebena akawa adua baɗa baerã, chi ichia mʉʉmaa jara ɓuu mʉ baita chi wiɗi kĩra ɓooɗa baɗa. Reunión Jeowa ɗebena Jaranũrẽɗeɗaa wã koɓeeɗa baɗa maabea Bibliaɗebena ãchi baara estudia koɓeesia.
Makaburu biawãra kawa koɓeesia. Mʉa kawaɗa baɗa chi Bibliaba jara ɓuu dachi “último diarãɗe duanuu” mauɗe Dachi Akõreba ẽbẽrarã kachirua nureerã nau iujãaɗebenarã kenakuaburuuɗebena, maka ɓumina chi ẽbẽra biʼia kirureerã maarã iujãa mipitaa kiruuɗe waaburu biuɗawẽa panaɗayua (2 Timoteo 3:1-5; Salmo 37:29). Mauɗeeburu mʉ naeɗe nibaɗa ida ɓu kʉ̃ria ɓoosii ẽbẽra bia nibaɗe wãyua.
Mʉ amikorãmaa beɗeasiiɗe cha mʉa kawa kãriiɗebena, ãrĩãrãba burla kopaneesiɗaa. Maka ɓumina jãu mʉ baita biʼia ãrĩã ɓoosia, kawaɗa baɗa ãchi amiko biʼiwãe nuree. Mʉa kawaɗa baɗa, mʉ ãrĩã dobachii ẽbẽra kachirua baara nibasiiɗeeburu. Ãchiaburu kʉ̃riabachiɗaa neebiyua itua biu ɓeei baita.
Jãu joma kaaɗe ida ɓu kʉ̃ria ɓoosii maabae amiko biarã baara meraa kʉ̃ria ɓoosii Jeowa ɗebena Jaranũrẽrã ome. Ãchiara mʉ ãrĩã kĩrajʉʉbiɗapeɗa mauɗe Dachi Akõre corazonɗeeba ãrĩã kʉ̃ria panuu maabae bereka panuu chi ichia jara kuɓuu aseɗayua. Ãchi ẽbẽra bia nuree baerã, mʉ baita biʼia ãrĩã ɓoosia, mau kaaɗeburu itua do nibabarii baɗa ida ɓusia.
KÃARE KOSA BIA UNUƊE WÃSAA: Mʉa Jeowamaa ara kiruma abaria jãabaera nesita ɓuuwẽe itua doyu kĩrajʉʉ nibai baita. Mʉa adua saka wãi basii ara chi naeɗe nibaɗa kĩra ara jãka nibaɗe wãɗa basirã. Jãabaeburu mʉ aude biʼia senti kuɓua.
Sucursal Jeowa ɗebena Jaranũrẽrãɗe Esloveniaɗebenaɗe mʉ siete año baaruu nama kĩrajʉʉ traja nii. Jeowa ʉ̃rʉbena kawapeɗa mauɗe ichi baita trajaburuuba mʉ kĩrajʉʉ ãrĩã nibabisia.