6 millones ẽbẽrarã kinipeɗaaɗaa COVID kakua: ¿Chi Bibliaba kãare jara ɓua?

Organización Mundial de la Salud (OMS) jãuba jara ɓuuɗeebara, 23 mayoɗe 2022ɗebenaɗaa, 6,27 millones ẽbẽrarã kini duanuu COVID-19 kakua. Maamina, prensaɗebenarãba jara kopanuu 5 mayoɗe 2022ɗebenaɗe, chi OMS jãuba jara kuɓuu audeburu kinipeɗaaɗa baɗa. Mauɗe jara kuɓuu año 2020 mauɗe 2021ɗe, “Pandemia COVID-19 kakua maebʉrã jãuba ẽpermabipeɗa maabea biubarisiɗau, aɓauɗaa 14.9 millones ẽbẽrarã kinipeɗaaɗaa”. ¿Chi Bibliaba kãare jara ɓua jãu ne miadaa ãrĩã ɓeeɗebena?

Chi Bibliaba jaraɗaa jãu pandemia mimichia ɓee urubudauɗebena

•  Jesusba jaraɗa basia “chi último diarãɗe” epidemias, “ẽpermabiabadaurã ãrea” baraayua (Lucas 21:11, Biblia Chamí. WPS.; 2 Timoteo 3:1).

Chi Jesusba jaraɗa baɗa cumplimaa ɓuu iɗibea. Maucha kawai baita, leas chi artículo “¿Saka kuitaaɗaiba ‘chi ultimo diarãʼ neesiɗaa maebʉrã ‘diarã jãabera akabaiɗea kuɓuuʼ?”

Chi Bibliaba jara kuɓuuba dachirã biʼia sentibi ɓua

•  “Dachi Akõre kĩrachuburia unubibarii [...] dairã sufri duanuuɗe ichia kĩrachuburia unubibarii” (2 Corintios 1:3, 4).

Aribiaurã ãchi deɗabenarã kinipeɗaaɗa baɗa, maarãba Bibliaɗe unusiɗaa biʼia aria kiruu ãchi biʼia sentibi ɓua. Maucha kawaba naarã articulorãɗe “Saka choroai ɓua chi puʼua kuɓuu: Chi iɗi asei ɓuu” mauɗe “Chi sufri keɗee baita aiɗa ɓuu chi audeara”.

Chi Bibliaba jara kuɓuu joma biʼiaburu noɓeeiɗebena

•  “Neebis bichi Kobierno. Bichia kʉ̃ria ɓuu ara jãka ʉtʉ bajãaɗebena kĩra, nama iujãaɗe asebiba” (Mateo 6:10).

“Chi Dachi Akõre Kobiernoba” aiɗaiɗea kuɓuu ni aɓa biɗa: “Mʉ ẽpermo ɓuu” a jaraamaaba. (Marcos 1:14, 15; Isaías 33:24). Video ochias ¿Kãareba mau Dachi Akõre Kobierno? Kawayua mau kobierno ʉtarebena ʉ̃rʉbena mauɗe kãare aseeruuɗebena.

Aude kawaba chi Bibliaba jara kuɓuuɗebena, bichi mauɗe bichi deɗabenarã ãrĩãdu aiɗayua chi beɗea biʼia keɗee mauɗe chi jara kuɓuu uruburuuɗebena.