Akawa chi wãsia ãrĩã koɓeesii cha nau iujãa jomauɗe naeɗe naka wãsia ãrĩã ɓoobarii wãʼãe baɗa: ¿Chi Bibliaba kãare jara ɓua?

Julio 2022ɗe, akawa chi wãsia ãrĩã koɓeesii naeɗe naka wãsia ãrĩã ɓoobarii wãʼãe baɗa.

• “Chinaba jara ɓuu chi wãsia ãrĩãburu kuɓuu chi 70 puururãɗe. Cha nau ɓuu chi omeɗebena naka aude wãsia ɓuu nau mesɗe” (25 julioɗe 2022ɗebena, chi noticia deabadaurã CNNɗebena).

• “Chi aoko wãurisiɗau mode chekerãɗe bakururã joma mau chi wãsia ãrĩã koɓoosiiba” (17 julioɗe 2022ɗebena, The Guardian).

• “Domingoɗe, chi ɓee puururã Estados Unidosɗe chi wãsia ãrĩã ʉtaa koɓoosii neɗeeɗa jãka pasaka baɗaɗe, chi parte este abadau mauɗe chi ɓee parte surɗe biɗa mauɗe chi drua Medio Oeste abadauɗe” (24 julioɗe 2022ɗebena, The New York Times).

¿Nauba jara ɓue jãkara nau iujãaɗe nibaɗaabai koɓeeruu chi uruu? ¿Chi Bibliaba kãare jara ɓua nauɗebena?

¿Chi Bibliaba jaraɗae nau iujãa akawa wãsia ãrĩã koɓeeyu?

Mae, cha nau chi Bibliaba jaraɗa basia chi nau tiempoɗaa chi wãsia ãrĩã koɓeeyuɗebena. Jesusba jaraɗa baɗa unuɗayu chi “mia mechibena koɓeeyu”, “mauba dachirã ãrĩãburu perabi panuu” (Lucas 21:11). Ẽbẽrarã ãrĩãba jara panuu chi wãsia ãrĩã kuɓuu audeburu koɓeesii mauɗe pera panuu chi ẽbẽrarã chi iujãa akawara dañaburuu.

¿Nau iujãaɗe poyaa nibaɗe wãɗaabayue?

Makawẽma. Dachi Akõreba chi iujãa wausii chi ẽbẽrarã akawa biʼia nibaɗai baitaburu (Salmo 115:16; Eclesiastés 1:4). Ichia idaarabiibayua chi ẽbẽraba chi iujãa acabaɗai baita. Bari ichia jara ɓuura “acabayu chi iujãa jãka dañamaa” (Apocalipsis 11:18).

Kawaɗayua Dachi Akõreba jaraɗa chi omeɗebena aseyu cha nau iujãaɗe:

• “Drua sirukua wãʼãe ɓuuɗe mauɗe iujãa põesãa ɓeerã kĩrajʉʉ ãrĩã duanaɗayua, mauɗe chi iujãa korii ɓuuɗe bania unukare ãrĩã kĩrajʉʉ ɓeeyua mauɗe nepono modeɗebena kĩraka pono koɓeeyua” (Isaías 35:1). Dachi Akõreba idaarabiibayua chi iujãa akawa põesãapeɗa dachi nibaɗaabai baita, bari cambiayu joma chi iujãa daña kuɓuuɗebena.

• “Bichia chi iujãa cuida nia mauɗe chi iujãa paimaa modaa koɓeeyua ne uuɗai baita” (Salmo 65:9). Dachi Akõreba cha nau iujãa kĩrawãrea ãrĩãburu kuɓuuyua.

Chi clima ãrĩãburu cambia koɓeesii cha nau cumpliyua chi Bibliaba jara ɓuu, aude kawayua nauɗebena cha nau artículo leas “¿Chi Bibliaba saka jara ɓua chi clima cambiaburuu chi uruuɗebena?”.

Maucha kawa kʉ̃ria ɓuubʉrã chi Bibliaba jara ɓuuɗebena cha nau iujãa saka arreglaaruu, leas chi artículo “¿Kaiba cha nau iujãa karebayu?”.