Chi iujãa peligro ãrĩã koɓeesii: ¿Chi Bibliaba kãare jara ɓua?

“Chi climaɗeeburu chi kachirua ãrĩã unu bara ɓeeyua: Chi puururã baniaba birumaa ɓuma. Chi wãsia ãrĩã kuɓuu, naeɗe jãka unuka baɗa. Bã mechibena ãrĩã kueche ɓuuba perabibarii. Mauɗe jomaurã parteɗe bania ɓaʼãraburu bara ɓeesii. Aɓa millón ãnimararã bakururã siɗa waaburu unuɗawẽa kopanuu. Mʉa atua jarawẽa ɓuu. Mau chi política kachirua energiaɗeeburu naka koɓeesii (Naka jara ɓoosii António Guterres, chi secretario general chi Naciones Unidasɗebenaba, mau panauyua chi informe chi Grupo Intergubernamental de Expertos sobre el Cambio Climático 4 abrilɗe 2022ɗebena).

“Chi cientificorãba jara panuu añocha desastrerã ãrĩã unuɗayua chi clima cambia kuɓuuɗeeburu, mauɗéburu ãrĩã daña koɓeeyu chi bakururã ãrĩã chi parque nacionalrã Estados Unidosɗebena, chi iujãa wãsia koɓee ɓuuɗeeba. Chi bakururã 423 parqueɗebenarã ãrĩã auko wãuriɗayu ɓuu maebʉrã bania biru koɓeei ɓuu, chi hielo iujãaɗe koɓeerãɗebena dorraɓaribai ɓuu, mauɗe chi marba chi iujãa baɗa mikuai ɓuu, mauɗe akawa ãrĩãdu wãsia koɓeeyu” (“Flooding Chaos in Yellowstone, a Sign of Crises to Come” [Chi biru koɓee paɗe wãburuu Yellowstoneɗe, mauba unubi ɓuu chi kachirua ãrĩã ɓuu neeburuu], The New York Times, 15 junioɗe 2022ɗebena).

¿Naka miadaa iujãaɗe unu panuu akabai ɓubaaka? Maka ɓuubʉrã, ¿mau sakaba? Kawas chi ariɗe ɓuu Bibliaba jara kuɓuuɗebena.

Chi Bibliaba naeɗe jara ɓoosii chi iujãa kachirua ɓeeiɗebena

Bibliaɗe lea panuu Dachi Akõreba “kenayua chi iujãa dañamaa panuu” (Apocalipsis 11:18). Nau versiculoba õbeaɗebena jaradea ɓuu:

1. 1. Ẽbẽrarã ase panuuba chi iujãa daña ɓeeburua.

2. 2. Chi iujãa waya biʼia koɓeeyu.

3. 3. Chi ẽbẽrarãba poyaa solucionaɗaabai chi daño aseɗa baɗa iujãaɗe, Dachi Akõreburu mau aseyua.

Chi iujãa biʼiaburu ua ɓeeburua

Chi Bibliaba arikʉɗe jara ɓuu “chi iujãa waaburu koɓeeburuu” (Eclesiastés 1:4). Ẽbẽrarãswẽe koɓeebai.

• “Ẽbẽrarã biarãdu nau iujãaɗe waaburu biuɗawẽa duanaɗayua” (Salmo 37:29).

Chi iujãa waya biʼia koɓee paɗe wãburua.

• “Drua sirukua wãʼãe ɓuuɗe mauɗe iujãa põesãa ɓeerã kĩrajʉʉ ãrĩã duanaɗayua, mauɗe chi iujãa korii ɓuuɗe bania unukare ãrĩã kĩrajʉʉ ɓeeyua mauɗe nepono modeɗebena kĩraka pono koɓeeyua” (Isaías 35:1).