Chi cristianorã mauɗe chi guerra ome: ¿Chi Bibliaba kãare jara ɓua?

Chi guerra Ucraniaɗebenaba unubi ɓuu dachirãmaa chi religiosorã kuitaa ɓuu nureerãba aiɗa duanuu asebiɗayua chi guerra. Ochiaɗaika jãarãba saka aiɗa duanuu chi peliabadaurã guerra asebiɗayu:

• “Respetapeɗa mauɗe ara kiruma aɗa kʉ̃ria panua chi pelia nuree dairã aiɗa duanuu Ucrania chi kenamaa duanuu kakua [...]. Ara jãka, duanaɗayua dai machirã baara, mauɗe daiba ʉtaa wiɗibudau machi kakua mauɗe daiba aiɗa panuu” (metropolitano Epifanio I de Kiev, The Jerusalem Post, 16 marzoɗe, 2022ɗebena).

• “Cha nau domingoɗe, chi kuitaa ɓuu nii Iglesia ortodoxa Rusiaɗebenaba wausii misa chi soldaorã Rusiaɗebenarã kakua waaburu kĩrajʉʉ peliayua ãchi país kakua ‘ara chi soldaorã Rusiaɗebenarãburu aseɗai ɓuaʼ. Maumisa, Moscuba chi ejército bʉekamaa ɓuu Ucraniaɗaa” (Reuters, 3 abrilɗe, 2022ɗebena).

¿Chi cristianorã wãuriɗai ɓue jãu guerraɗaa? ¿Saka jara ɓua chi Bibliaba?

Chi Bibliaba kãare ariɗe jara ɓua

Chi Bibliaba wãrabena kawabia ɓuu Jesús kaaɗe tʉa nureerã guerraɗaa wãɗakaa.

• “Bichi espada eɗa joa adause. Chĩobadau espadaba biubadau” (Mateo 26:52, Biblia Chamí, WPS).

  Chi ẽbẽra aɓa niiba kʉ̃risia nii chi guerra biʼia ɓuu mauɗe guerraɗaa wãburuu, ¿wãrabena ase ɓubaaka chi Jesusba jaraɗa baɗa?

• “Mʉa asebi ɓuu beɗea chi wiɗi jaraburua: kʉ̃riábaɗa machi chiya; ara jari mʉa kʉ̃ria ua nii kĩraka, machi chiya kʉ̃riaɗayua. Makaburu jomaurãba kuitaaɗayua machi mʉ kaaɗe ãda nureabarii: machi chiya kʉ̃ria panuubʉrã” (Juan 13:34, 35).

  Chi ẽbẽra niiba ijãa niibʉrã chi guerra biʼia ɓuu, ¿unubi ɓubaaka chi wãrabena kʉ̃ria nii Jesusba jaraɗa baɗa ichi kaaɗe tʉa nureerãba kʉ̃ria nureaɗayuɗebena?

Maucha kuitaa kʉ̃ria ɓuubʉrã, leas chi artículo “Chi cristianorã mauɗe guerra ome: ¿araɓau ɓubaaka?”.

Chi cristianorã iɗibeabena guerra baare

¿Biʼia ɓubaaka kʉ̃risiayu chi cristianorã iɗibena guerraɗaa wãuriɗaabayua? Mau ariɗe ɓua. Chi Bibliaba jaraɗa baɗa cha nau tiempoɗe “chi último diarãɗe”, bara ɓooyu chi ẽbẽrarã joma nau iujãaɗebena mauchaburu kawaɗaabayu “chi guerraɗebena”, ara jari Jesusba jaraɗa kĩra (Isaías 2:2, 4, nota).

• Mauchaburu kawayua, leas chi articulorã Chi Kartabaɗebena “¿Kãare kʉ̃risia ɓubaama Dachi Akõreba guerraɗebena?”.

Ara kaita kuɓua Jeowa,a “chi Dachi Akõre joma ãbua duanabibarii”, ichi Kobierno bajãaɗebenaba karebakuayu chi ẽbẽrarã “sufribiaɗapeɗa chi kachirua ase duanuurãɗebena” (Filipenses 4:9; Salmo 72:14).

• Kawayua mau saka aseburuu, ochias chi video ¿Kãareba mau Dachi Akõre Kobierno?