Religión setaa jara ɓeerãba ãyaa jarabi duanua

Dachi Akõreba dachi kʉ̃ria ua nii mauɗe chi religiorãba ichi ʉ̃rʉbena jaradea panu biɗa maamina, ¿sakayua ãchia ne kachirua ase duanaa? Naarã religiorãba setaa jaradea panuu bẽrã. Chi ãchia setaa jaradeaɗapeɗa miadaa ɓee ase duanuuba ãyaa kʉ̃risiabi panua Dachi Akõre ʉ̃rʉbena waabenarãmaa. ¿Saka ase panua? ¿Nauba saka sentibi ɓua Dachi Akõre? ¿Ichia kãare aseerua makarã?

1. ¿Jãarãba saka Dachi Akõre trʉ̃ ʉ̃rʉbena ãyaa jara duanaa?

Ãchia “chi biawãrarabena jaradeaɗai baɗabaarã, setaa jaradea panua Dachi Akõre ʉ̃rʉbena” (Romanos 1:25). Aribiau ãchirãɗebenaba Dachi Akõre trʉ̃ jaradeaɗakau. Mau kãyabãra Bibliaba jara ɓuura dachia ichi trʉ̃ jaraɗayu (Romanos 10:​13, 14). Mauɗe sacerdote pastorna baarauba jara panuu ne kachirua pasaaruuɗe, Dachi Akõreburu jãkabisii abadaa. Maamina, jãu setaabʉ. Ichi culpawẽe chi joma iujãaɗe pasa kuɓuuɗebena (Santiago 1:13 leas). Mia chuburi ɓua ãchia ẽbẽrarãmaa jaradeapeɗaaɗaba jãarã Dachi Akõreɗebena kaitawẽe duaneeɗayua.

2. ¿Jãarãba kãare ãyaa ase panua?

Religión setaa jara duanuuba Jeowaba ẽbẽrarã kʉ̃ria ua niika ua nureaɗakaa. Bibliaba jara ɓua mau “maarã kachirua bajãaɗe neesiɗau, aɓau ʉ̃rʉ ʉtaa pewãaduu kĩra” (Apocalipsis 18:5). Yataɗeeɗa chi religiorã política mauɗe guerra baara duanua mauɗe idaarabi duanua ẽbẽrarã ãrĩã kiniɗayua. Chi nuree sacerdoterã mauɗe pastorna baara rico kĩra duanuu, maabea chi nejarra ãrĩãdu wiɗi duanuu chi iglesiaɗaa wãuribudaumaa ara jãka duanaɗayua. Nau ase duanuuba unubi ɓuu ãchia Dachi Akõre ʉ̃rʉbena kawa adua panuu. ¿Saka jaradeaɗayaa Dachi Akõreɗebena ne miadaa ɓee ãrĩãdu ase panuuɗe? (1 Juan 4:8 leas).

3. ¿Saka sentibaraa Dachi Akõre chi jãarãba miadaa asebudauɗe?

Bichi kĩru koɓeerã chi religión setaa jara ɓee ʉ̃rʉbena kawaaruuba, ¡Jeowara aude kĩrubaria! Ichia ẽbẽrarã chi kʉ̃ria, maamina aude kĩru ɓua chi sacerdoterã pastorna ome, ãchirãba ichi ʉ̃rʉbena ãyaa jarabi panuu bẽrã mauɗe ãchi kaaɗe ẽbẽrarã tʉa ɓeerãmaa ãyaa jaraɗapeɗa miadaa asebadaa. Dachi Akõreba jara ɓuu chi religión setaa jara ɓee akabayu maabea “nau waya unuɗaabai” (Apocalipsis 18:21). Joma chi religión setaa jara ɓeerã akabaiɗaa ira ɓuu (Apocalipsis 18:8).

AUDE KAWABA

4. Dachi Akõreba kʉ̃riakau joma religiorã baraurã

Ẽbẽrarã aribiaurãba kʉ̃risia panuu religión joma barauba dachirã Dachi Akõre jʉ̃kaa aude bʉeka ɓuu. ¿Maamina mau makabaaka? Mateo 7:​13, 14 leaɗapeɗa, mambea nau ʉ̃rʉbena beɗeasturu:

• Bibliaba jara ɓuuɗeebara, ¿sãu oɗe wãuriɗaiba biuɗawẽa kirureaɗai baita?

BIDEO ochiaɗapeɗa, mambea nau ʉ̃rʉbena beɗeasturu:

BIDEO: ¿Dachi Akõreba religiorã baraurã joma kʉ̃ria ɓue? (Bideo ɓaʼãra) (3:22)

• ¿Bibliaba jara ɓue Dachi Akõreba religiorã ãrĩã barau busta ɓuu?

5. Religión setaa jara nureeba Dachi Akõreba kʉ̃riabariika kʉ̃riaɗakaa

Chi religiorãba Dachi Akõre ʉ̃rʉbena miadaa jarabi duanua, guerraɗaa wãuri duanuu kakua. Nauɗebena kawai baita, BIDEO ochiábaɗa. Mambea nau ʉ̃rʉbena beɗeasturu:

BIDEO: ¿Kãare asesiɗaa Iglesiarãba Segunda Guerra Mundialɗe? (2:​22)

• ¿Kãare asekuasiɗaa chi religiorãba chi Segunda Guerra Mundial baraasiiɗe?

• ¿Kãare kʉ̃risia ɓua chi jãu asepeɗaaɗa ʉ̃rʉbena?

Juan 13:34, 35 mauɗe 17:16 leábaɗa. Mambea nau ʉ̃rʉbena beɗeasturu:

• ¿Jeowa saka sentibaraa chi religiorã guerraɗaa wãuribudauba?

• Chi religión setaa jara duanuurãba kosa kachiruarã ãrĩã ase duanua, ãchia Dachi Akõreba kʉ̃ria nii kĩra kʉ̃riaɗawẽa. ¿Kãare ne miadaa ase duanuu unu ɓua bichia?

6. Dachi Akõreba ẽbẽrarã awara uaɗo kʉ̃ria ɓua chi religión setaa jara duanuuɗebena

Apocalipsis 18:4a leaɗapeɗa, mambea nau ʉ̃rʉbena beɗeasturu:

• Dachi Akõreba awara uaɗo kʉ̃ria ɓua ẽbẽrarã chi religión setaa jara duanuuba ãyaa jaraɗapeɗa ua duanua. ¿Saka unu ɓua bichia jãu?

7. Dachi Akõre ariɗe kiɗii ʉ̃rʉbena kawayu ida ɓuirã́ba

¿Dachi Akõre ʉ̃rʉbena ãyaa kʉ̃risiai ɓue religión setaa jara duanuuba kosa kachirua ase duanuu kakua? Kʉ̃risiachãu warra niiba chi beɗea biarã akõrerãɗe ũriwẽebʉrã, deɗabena wãpeɗa maabea biʼiawẽe pasamaa ɓua ãi. Chi akõreba biʼia unuwẽa chi warrba asemaa ɓuu. ¿Chi akõre culpa bara ɓoabaaka chi warr o ãi wãsiiɗeeba?

• ¿Jeowa culpa bara ɓoabaaka chi religión setaa jara duanuuba ase panuu kakua? ¿Mau kakua ichi ʉ̃rʉbena kawaɗai baɗa ɓuiɗai ɓubaaka?

NAU KAWASIƊAA

Chi religión setaa jara ɓeeba aseɗapeɗa mauɗe jaradea panuuba Dachi Akõre trʉ̃ ʉ̃rʉbena ãyaa jarabi duanua. Mauɗéburu Dachi Akõreba akabaiɗaa ua kuɓua.

Waya berreaɗaika

• ¿Kãare kʉ̃risia ɓua bichia chi religión setaa jarabadaurãba jaradeɗekaɗapeɗa ase duanuu ʉ̃rʉbena?

• ¿Kãare kʉ̃risia ɓobaama Jeowaba religión setaa jarabadaurã ʉ̃rʉbena?

• ¿Kãare aseerua Dachi Akõreba chi religión setaa jara duanuurã?

NAU OCHIAS MAUCHABURU KAWAYUA

Dachi Akõreba religiorã setaa jara ɓee bustakaa, ome ɓuu kakua. Ochias sãarã.

“¿Religión joma barauba dachirã Dachi Akõre jʉ̃kaa aude bʉeka ɓue?” (Artículo jw.org ɗebena)

¿Sakayua Jeowaba kʉ̃ria ɓua dachia ichi kʉ̃riaɗapeɗa ũriɗayu kabanaarã ome mauɗe dachi kuentaɗerawẽe?

“¿Nesita panue dachirã religión ɓuuɗe duanaɗayu?” (Artículo jw.org ɗebena)

Sacerdote niiba ichi religionɗebena kereawẽa ɓoosia. Maamina mauba idaarabiibasia Dachi Akõre ʉ̃rʉbena kawai baita.

“Sacerdote niiba chi Iglesia ɓuisia” (¡Despertad!, febrero 2015ɗebena)

Yataɗeeɗa chi religiorãba Dachi Akõre ʉ̃rʉbena setaa jara duanua maabea ẽbẽrarãmaa kereabi duanuu ichi kachirua nii mauɗe dachirã ochiakau. Kawas samabena setaarã õbea neepeɗaaɗa baɗa.

“Setaarã Dachi Akõre jʉ̃kaabena kaitawẽe uaɗo ɓuu” (Chi Kartaba, 1 noviembreɗe 2013ɗebena)