YOTAANTSI 15

¿Paita okameetsatantari piñanatapinitero ora Bibiria?

1. ¿Paita okameetsatantari piñanatapinitero ora Bibiria?

Apitero tsinanepee omaokoreake anta antabeetinta irootake omatantakari oshitoriatiro Bibiria

Maaroni piyotabakeri aka, amitakotakempi pinintantyariri Tasorentsi. Aikero pijatatiye pinintasanoteri Tasorentsi, keariompiya, eiro pijokiritsi iriori (1 Petero 2:2). Pinkoakerika pañe onkantyani, pinkeariobentero piñanatapinitero Iriñane Tasorentsi. Piñanatero Salmos 37:29; Joa 17:3; 1 Timoteo 2:3, 4.

Kapichaji, kapichaji piyoteri Tasorentsi, impoiji pishiretasanotyari aisati pinkimoshirebenteri iriori (Ijorioririnte 11:1, 6). Ariorika pinkemisantasanoteri Tasorentsi, eiro pikempetakajarotsi pantabeitaniri peerani, irointikea pantayetero kameetsatatsiri. Piñanatero Itiancaneni Jesoshi 3:19.

2. ¿Jaoka onkantyari pobametantyariri pashinipee atiri?

Ora tsinane okenketsatakayeri Tasorentsi — Ari pimatakero pishaninkatajeari Yioba

Maaroni piyotabakeri okameetsati pinkamantajeiteri itsipapee atiri. Meeka piyotabakero okantiri Bibiria jaoka ipajitari Tasorentsi, paita iranteri Tasorentsi koajika, osheki piyotabakeri, ¿tempa? Aitake pimatakero pinkamantajeiteri itsipapee atiri. Piñanatero Oromasati 10:13-15.

Pinkamanteri pishaninkasanoripee, aisati pikarajeitiri pinampiki. Iro kantaincha kameetsa piñabete, eiro pikishiritsi, eiro pikantiritsi itsipapee: “Piglesiate te onkanteji”, ¡eiro! Irointikea kameetsa pobameteri iriorijei, pinkanteri paita iranteri Tasorentsi koajika. Ariorika pantayetero kameetsatatsiri itsipapee atiri iramenempi, impoiji impinkatsateri Tasorentsi aisati. Piñanatero 2 Timoteo 2:24, 25.

3. ¿Arimpa pishaninkatajeari Tasorentsi?

Ariorika piñanatero Bibiria, piyotasanoteri Tasorentsi Yioba, ari pimatakero pinkemisanteri, pishiretasanotyari impoiji pishaninkatajeari Tasorentsi. Piñanatero 2 Corintosati 6:18.

4. ¿Jaoka onkantyari pinkemisantapinitantyariri Tasorentsi?

Eiro pijokirotsi oka piyotabakeri (Ijorioririnte 5:13, 14). Pinkanteri aparo kemisantiriri Yioba irobametantempirori oka sankenarentsi opajita ¿Qué nos enseña la Biblia? Piyoperotero Iriñane Tasorentsi, aitake pisaike kameetsa. Piñanatero Salmos 1:1-3; 73:27, 28.

Yorajei kemisantiriri Yioba ikamantiri pashinipee

Ikantimpiri Tasorentsi kameetsa kamantaantsi pisaikantyari kimoshire, tempa iritake Tasorentsi kimoshiretatsiri. Aisati pinkarajeiteririka kemisantaperotatsiri, ari pimatakero pishaninkatajeari Tasorentsi Yioba (Ijorioririnte 10:24, 25). Aikero pijatatiye panteneri ikoakaakempiri Tasorentsi. Impoiji Tasorentsi impinatempi kameetsa pintime pinkantaitatiyempani. Keariotake, kameetsa oni pinkeariobentero pinkemisanteri Tasorentsi. Piñanatero Proverbios 2:21; 1 Timoteo 1:11; 6:19.

Piyotantyarori pashini, pamenero sankenarentsi ¿Qué nos enseña la Biblia? Yotaantsi 18.