LEZZIÒ 02
A Bìbbia dà speranza
Inghjilocu, à a ghjente li tocc’à scumbatte cù una vita straziata fatta di tramanni è di pene. V’hè dighjà accadutu di cunnosce què ? Forse chì site malatu, o ch’avete persu unu di i vostri cari. Di sicuru vi dumandate : « Anderà megliu un ghjornu ? » Ind’a Bìbbia truverete una risposta rassicurante à sta dumanda.
1. Chì speranza dà a Bìbbia ?
A Bìbbia spiega perchè u mondu và cusì male, ma ci face sapè dinù ch’ellu ci hè una bona nutìzia : frà pocu tutti i nostri castichi anu da smarì. E prumesse di a Bìbbia ci danu « un avvene è speranza » (leghje Ghjerèmia 29:11, 12). E prumesse di a Bìbbia ci aiùtanu di pettu à e difficultà, à esse uttimisti è à esse veramente felici.
2. Chì avvene prumette a Bìbbia ?
A Bìbbia dice chì, da quì à pocu, « a morte ùn esisterà più » è chì « ùn ci serà più nè dolu, nè brionu, nè dulore » (leghje Apocàlisi 21:4). Tuttu ciò chì c’impidisce d’esse felice, cum’è a misèria, l’inghjustìzie, a malatìa è a morte, seranu sparite. A Bìbbia prumette chì tutti l’umani cunnusceranu u benestà per sempre nant’à a terra, in lu Paradisu.
3. Cume esse cunvinti chì e prumesse di a Bìbbia si cumpieranu ?
Oghje parechji spèranu ch’ellu s’apri un avvene più bellu, ma ùn ponu esse sicuri chì què accaderà. Invece, ùn hè cusì pè e prumesse di a Bìbbia : si cumpieranu sicuru sicuru. Per essene cunvinti, ci vole à ‘esaminà ogni ghjornu e Scritture’ cù primura (Atti 17:11). Cù u vostru stùdiu di a Bìbbia scuprerete da per voi s’è vo pudete crede à e so prumesse per l’avvene.
AVÀ ANDEMU PIÙ LUNTANU
Scuprimu cume serà a vita quandu e prumesse di a Bìbbia si cumpieranu. È rimarcate cume a speranza ch’ella dà a Bìbbia ci aiuta dighjà oghje.
4. A Bìbbia ci dà speranza d’una vita d’incantu è per sempre
L’inquadratu quì sottu ci face scopre certe prumesse di a Bìbbia. Qualesse sò quelle chì vi tòccanu u più ? Perchè dite cusì ?
Leghje i versetti chì seguìtanu ogni prumessa, è riflette à ste dumande :
Chì speranza ci dà stu strattu bìblicu ? Pensate ch’ellu puderìa fà prò à i vostri o à l’amichi ?
Figuratevi un mondu induve :
NIMU HÀ DA... |
TUTT’OGNUNU HÀ DA... |
|---|---|
|
|
|
|
|
|
|
|
|
|
5. A speranza di a Bìbbia pò scambià a vostra vita
Per vìa di tutti i castichi ch’elli vèdenu in giru à elli, parechji sò addisperati sin’à a rivolta. Certi lòttanu per fà scambià l’affari. Scuprite cume una donna hà trovu sullevu in la prumessa chì e cose anu da scambià. Fighjà a VÌDEO è discutà di e dumande quì sottu.
Chì inghjustìzia frasturnava à Rafika ?
Ancu s’ellu ci hè sempre stu ghjenaru d’inghjustìzia, cume a Bìbbia hà quantunque aiutatu à Rafika ?
A speranza di a Bìbbia per l’avvene pò aiutacci à vince u scuraghjimentu è à supranà e nostre difficultà. Leghje Pruvèrbii 17:22 è Rumani 12:12, è discutà di ste dumande :
Pensate chì stu missaghju di speranza vi puderìa scambià a vita dighjà oghje ? Perchè dite cusì ?
CERTI DÌCENU : « O andate, sò fole sse prumesse ! »
D’appressu à voi, perchè hè impurtante di cercà à capì sè a Bìbbia dice veru ?
À L’ACCORTA
A Bìbbia prumette un avvene felice è sta speranza ci aiuta di pettu à e nostre difficultà.
Da ritene
Perchè di speranza bisognu ne avemu ?
Chì dice a Bìbbia di l’avvene ?
Cume u missaghju di speranza di a Bìbbia vi pò scambià a vita dighjà oghje ?
SCOPRE DINÙ
Artìculi chì mòstranu chì a speranza dà forza.
« L’espoir : où le trouver ? » (Réveillez-vous !, 22 avril 2004)
Cume a speranza d’un avvene più bellu pò aiutà quelli chì sòffrenu di una malatìa crònica ?
« Campà cù una malatìa crònica : a Bìbbia ci pò aiutà ? » (artìculu jw.org)
Vìdeo d’una canzona chì v’aiuterà à figuravvi cù a vostra famìglia in lu paradisu chì a Bìbbia prumette.
Biugrafìa di un militante chì a vita hè stata scambiata quandu hà scupertu e prumesse di a Bìbbia.
« Je ne pense plus devoir changer le monde » (La Tour de Garde, 1er juillet 2013)