LEZZIÒ 01
Cume a Bìbbia vi pò aiutà
Tutti ci femu dumande nant’à a vita, e suffrenze, a morte o l’avvene. Tutti avemu dinù i nostri penseri d’ogni ghjornu : per indettu, cume sazià i bisogni di a nostra famìglia per ch’ella sìa felice. Parechji si sò accorti chì a Bìbbia risponde à e dumande maiò di a vita, ma ch’ella hè ancu un aiutu pè a vita di tutti i ghjorni. Pensate chì a Bìbbia ci pò ghjuvà à qualcosa ?
1. À chì dumande a Bìbbia risponde ?
A Bìbbia risponde à ste dumande impurtante : Cume s’hè affaccata a vita ? Chì femu nant’à sta terra ? Perchè i nucenti sòffrenu ? Chì ci hè dopu a morte ? Postu chì tutt’ognunu vole campà in pace, perchè tutte ste guerre ? Ch’hà da diventà a terra ? Ghjè nurmale di fassi tutte ste dumande è sò milioni à avè trovu cunvincente e risposte di a Bìbbia.
2. Ind’a vita di tutti i ghjorni, di chè manera a Bìbbia vi pò aiutà ?
A Bìbbia dà bunìssimi cunsìglii. Per indettu, aiuta e famìglie à esse veramente felice. Spiega cume ammaestrà u so stressu è piglià piacè à travaglià. Indè e pàgine chì seguìtanu, scuprerete ciò chì a Bìbbia ampara nant’à sti sughjetti è tant’altri. Di sicuru, serete d’accunsentu per dì chì ‘tutta a Scrittura [vale à dì, tuttu ciò chì hè scrittu indè a Bìbbia] vi pò esse ùtule’ (2 Timuteu 3:16).
Sta publicazione hè fatta per studià a Bìbbia, ma ùn la rimpiazza micca. Eccu perchè, lighjite puru i versetti dati indè e lezziò è fate u paragone cù ciò ch’è vo amparate.
AVÀ ANDEMU PIÙ LUNTANU
Stemu à vede cume a Bìbbia ne hà aiutatu parechji, ciò ch’è vo pudete fà per campavvila à leghjela, è perchè ghjè più fàciule à capilla quandu qualchissìa ci aiuta.
3. A Bìbbia vi pò stradà
A Bìbbia ghjè cum’è una làmpana putente. Ci aiuta à piglià decisione bone è face u lume nant’à ciò ch’accaderà ind’u nostru avvene.
Leghje Salmu 119:105 eppo discutà di ste dumande :
Chì ne pensava di a Bìbbia quellu chì hà scrittu stu salmu ?
È voi, di a Bìbbia, chì ne pensate ?
4. A Bìbbia risponde à e nostre dumande
Una donna hà trovu ind’a Bìbbia e risposte à e dumande ch’ella si facìa dapoi anni è anni. Fighjà a VÌDEO eppo discutà di ste dumande.
Chì si dumandava sta donna ?
Cume u fattu di studià a Bìbbia li hà fattu prò ?
A Bìbbia ci incuragisce à fà dumande. Leghje Matteu 7:7 eppo discutà di sta dumanda :
À chì dumande vi piacerìa truvà e risposte ind’a Bìbbia ?
5. Leghje a Bìbbia pò esse una vera campa
À parechji li piace à leghje a Bìbbia, dìcenu chì li face prò. Fighjà a VÌDEO eppo discutà di ste dumande.
À i ghjòvani di ssa vìdeo li piace à leghje ?
Ma cume hè chì li piace à leghje a Bìbbia ?
L’insignamenti di a Bìbbia ci danu cunsulazione è speranza. Leghje Rumani 15:4 eppo discutà di sta dumanda :
Ne vulete sapè di più di a cunsulazione è di a speranza chì ci dà a Bìbbia ?
6. A Bìbbia si capisce megliu quandu qualchissìa ci aiuta
In più di leghje a Bìbbia per sè stessu, parechji tròvanu dinù ùtule di parlanne cù d’altri. Leghje Atti 8:26-31 eppo discutà di sta dumanda :
Cume si pò fà per capì a Bìbbia ? (vede i versetti 30 è 31).
L’omu etiopianu hà avutu bisognu d’esse aiutatu per capì ciò ch’ellu lighjìa. Oghje torna, parechji tròvanu ùtule di parlà di a Bìbbia cù d’altri.
CERTI DÌCENU : « Studià a Bìbbia, hè tempu persu ! »
È voi, chì ne dite ? Perchè dite cusì ?
À L’ACCORTA
A Bìbbia dà bunìssimi cunsìglii pè a vita d’ogni ghjornu, risponde à dumande impurtante, ci dà cunsulazione è speranza.
Da ritene
Chì ghjenaru di cunsìglii pudemu truvà ind’a Bìbbia ?
Dite une poche di dumande chì a Bìbbia risponde.
Cosa vulerìate ampara cù a Bìbbia ?
SCOPRE DINÙ
I cunsìglii di a Bìbbia sò sempre ùtuli oghje.
« Une sagesse à l’épreuve du temps » (La Tour de Garde no 1 2018)
A Bìbbia hà aiutatu un omu chì patìa u malessere dapoi a so zitellina.
Cunsìglii pràtichi di a Bìbbia pè a vita di famìglia.
« 12 clés du bonheur familial » (Réveillez-vous ! no 2 2018)
Quale hè in veru u capu di stu mondu ? A Bìbbia face u lume nant’à un’idea farza.