LEZZIÒ 03
Ci pudemu fidà à a Bìbbia ?
Parechji cunsìglii è prumesse si tròvanu ind’a Bìbbia. Forse avete a vòglia di sapè ciò ch’ampara a Bìbbia, ancu s’è vo vi fate dumande cum’è quesse : « Si pò fidassi à un libru cusì vechju ? », « Ciò chì a Bìbbia dice ci pò ghjuvà à qualcosa oghje ? » o « Si pò crede à ciò ch’ella predisce per l’avvene ? » Milioni di ghjente pènsanu di sì. È voi ? Fatevi u vostru parè.
1. Quand’ella parla di a stòria a Bìbbia hè esatta ?
A Bìbbia sustene ch’ella cuntene ‘parolle di verità’ (Ecclesiasta 12:10). Parla di fatti stòrichi chì sò accaduti in veru è di ghjente chì anu campatu in veru (leghje Lucca 1:3 ; 3:1, 2). Quand’ella indetta lochi, date, ghjente è evenimenti, parechji stòrichi è archiòloghi accèrtanu chì a Bìbbia hè vera.
2. A Bìbbia ghjè for d’usu ?
Per parechje cose, a Bìbbia hà innavanzatu u so tempu. Per indettu, quand’ella parla di scienza, hè esatta. Purtantu, quandu hè stata scritta, a maiò parte di i fatti scientìfichi ch’ella parla ùn eranu nancu pruvati. Ghjè più tardi chì a scienza hà accertatu chì ciò chì a Bìbbia dicìa era veru. A Bìbbia hè ‘sempre sicura, oghje è per l’eternità’ (Salmu 111:8).
3. Perchè fidassi à ciò chì a Bìbbia preannunzia per l’avvene ?
Ind’a Bìbbia ci sò prufezìea chì preannùnzianu « ciò chì ùn hè ancu adimpiutu » (Esàia 46:10). A prova, hà preannunziatu parechji fatti stòrichi un bellu pezzu prima ch’elli accàdinu. Ella spiega dinù cù minuzìa ciò ch’ellu si passa in lu mondu oghje. Cù sta lezziò, avemu da cunsiderà qualche prufezìe bìbliche. Sterete imbuccaliti di a manera ch’elle si sò còmpie !
AVÀ ANDEMU PIÙ LUNTANU
Stemu à vede cume a scienza s’accorda cù a Bìbbia, è cunsideremu qualche prufezìe bìbliche tremende.
4. A Bìbbia s’accorda cù a scienza
Indè l’antichità, parechji pensàvanu chì a terra s’appughjava nant’à qualcosa. Fighjà a VÌDEO.
Andemu à vede ciò chì u libru di Ghjobbe dicìa 3 500 anni fà. Leghje Ghjobbe 26:7 è discutà di sta dumanda :
Perchè ghjè stunante chì a Bìbbia dicissi chì a terra hè ‘cullucata nant’à u nunda’ ?
Ùn hè chè versu l’anni 1800 chì i scientìfichi anu capitu bè u ciclu di l’acqua. Eppuru, a Bìbbia hà spiegatu stu fenòmenu face millàia d’anni. Leghje Ghjobbe 36:27, 28 è discutà di ste dumande :
Perchè sta discrizzione sèmplice di u ciclu di l’acqua hè rimarchèvule ?
A lettura di sti versetti vi danu fidùcia in la Bìbbia ?
5. A Bìbbia hà predettu evenimenti impurtanti
Leghje Esàia 44:27 – 45:2 è discutà di sta dumanda :
Chì detàglii di l’assaltu di Babilònia a Bìbbia avìa datu 200 anni prima ?
A stòria accerta chì u rè Ciru di Pèrsia è a so armata anu pigliatu à Babilònia in 539 nanz’à nostra era. Anu sviatu u corsu di u fiùme chì parava a cità. Sò entrati ind’a cità pè e porte lasciate spalancate, è l’anu pigliata senza cumbatte. Oghje, più di 2 500 anni dopu, Babilònia hè in ruina. Vidimu ciò chì a Bìbbia avìa preannunziatu.
Leghje Esàia 13:19, 20 è discutà di sta dumanda :
Di chè manera sta prufezìa s’hè còmpia ?
E ruine di Babilònia, in Iraccu.
6. A Bìbbia hà predettu ciò chì si vede oghje
A Bìbbia chjama a nostra èpica « l’ùltimi ghjorni » (2 Timuteu 3:1). Eccu ciò ch’ella hà preannunziatu :
Leghje Matteu 24:6, 7 è discutà di sta dumanda :
Secondu a Bìbbia, cosa accaderìa mentre l’ùltimi ghjorni ?
Leghje 2 Timuteu 3:1-5 è discutà di ste dumande :
Secondu a Bìbbia, chì dispusizione d’ànima a ghjente averìa mentre l’ùltimi ghjorni ?
È voi, ne vidite ghjente cusì oghje ?
CERTI DÌCENU : « A Bìbbia ghjè un libru di legende è di belli raconti. »
Per voi, qualessa hè a prova chì vi cunvince u più ch’è no ci pudemu fidà à a Bìbbia ?
À L’ACCORTA
A stòria, a scienza è e prufezìe pòrtanu a prova chì vi pudete fidà à a Bìbbia.
Da ritene
A Bìbbia hè un libru di raconti veri o inventati ?
Chì fatti pòrtanu a prova chì a Bìbbia s’accorda cù a scienza ?
D’appressu à voi, a Bìbbia pò predisce l’avvene ? Perchè dite cusì ?
SCOPRE DINÙ
A Bìbbia ne face sbàglii scientìfichi ?
« A scienza hè d’accunsentu cù a Bìbbia ? » (artìculu jw.org)
Chì fatti pòrtanu a prova ch’è no campemu « l’ùltimi ghjorni » ?
« 6 prophéties qui se réalisent sous vos yeux » (La Tour de Garde, 1er mai 2011)
Cume e prufezìe di a Bìbbia nant’à l’Imperu grecu si sò còmpie ?
E prufezìe bìbliche anu scambiatu u parè ch’un omu avìa di a Bìbbia.
« Pour moi, Dieu n’existait pas » (La Tour de Garde no 5 2017)
a Una prufezìa ghjè un missaghju chì vene da Diu. Per esèmpiu, un evenimentu à vene.