Ki Labib i dir?

Kisisa Rwayonm Bondye?

SERTEN DIMOUN I KRWAR ki Rwayonm Bondye i dan leker en dimoun. Lezot i krwar ki i pe refer avek zefor ki bann imen i fer pour anmenn lape ek linite dan lemonn. Ki ou panse?

KI LABIB I DIR

“Bondye lesyel pou etabli en rwayonm ki pa pou zanmen ganny detri. . . . I pou kraz tou sa bann rwayonm [imen].” (Danyel 2:44) Rwayonm Bondye i en vre gouvernman.

KWA ANKOR KI NOU APRANN DAN LABIB

• Rwayonm Bondye i dan lesyel e i pou diriz later.​—Matye 10:7; Lik 10:9.

• Bondye i servi sa Rwayonm pour akonpli son lavolonte dan lesyel e lo later.​—Matye 6:10.

Kan ki Rwayonm Bondye pou vini?

KI OU TI POU DIR?

• Personn pa konnen

• Byento

• Zanmen

KI LABIB I DIR

“Sa Bonn Nouvel Rwayonm pou ganny anonse partou dan lemonn, pour ki tou dimoun i tande. Apre sa, lafen pou arive.” (Matye 24:14) Ler sa bon nouvel pou’n fini ganny anonse, sa Rwayonm pou met en lafen avek sa move lemonn.

KWA ANKOR KI NOU APRANN DAN LABIB

• Personn pa konn egzakteman kan ki Rwayonm Bondye pou vini.​—Matye 24:36.

• Bann profesi Labib i montre ki sa Rwayonm i pros pour vini.​—Matye 24:3, 7, 12.