Progranm Renyon Servis

NOT: Nou Minister Rwayonm pou progranm en Renyon Servis pour sak semenn pandan bann mwan Zilyet ek Out. Bann kongregasyon i kapab fer bann azisteman neseser pour semenn Lasanble Distrik “Bann Pratikan Parol Bondye.” Kot i apopriye, servi lanons dan dernyen Renyon Servis avan asiste lasanble pour revwar ennde pwen enportan ki ti ganny trete dan Nou Minister Rwayonm pour mwan Me. Ankouraz tou dimoun pour pran detrwa minit pour pas lo progranm avan ki sak sesyon i konmanse bomaten ek apremidi e konmans mazin lo sa bann pwen. Sa pou fer li pli fasil pour konsantre lo sa progranm e pran bann not bref me enportan. De a kat semenn apre lasanble, progranm 30 minit pour revwar bann pwen enportan pandan Renyon Servis. Pandan sa letan, tou dimoun pou kapab prepar en komanter bref dan bann size ki pou ganny dirize par trwa frer kalifye. Bann tel komanter i kapab eksprimen konman ki bann keksoz ki nou’n aprann pandan lasanble i aplikab dan nou lavi e dan predikasyon. Kapab akont enn ou de leksperyans bref ki’n ganny selekte. En bon preparasyon par tou dimoun i esansyel pour fer ki sa parti Renyon Servis i enteresan e edifyan.

Semenn le 10 Zilyet

Kantik 7

12 min: Lanons lokal. Selekte bann Lanons apropriye dan Nou Minister Rwayonm. Fer komanter lo rapor predikasyon Avril pour pei ek kongregasyon lokal. Diriz latansyon lo bwat “Vwar Paz Deryer,” e fer en demonstrasyon lo enn parmi bann prezantasyon ki’n ganny sizere e ki ti a efikas dan teritwar lokal.

15 min: ‘Nou Pa Kapab Aret Koze.’ Limit lentrodiksyon mwens ki en minit e pourswiv avek en diskisyon par kestyon ek repons. Met lanfaz lo bann rezon akoz nou pran nou travay predikasyon sitan oserye. Enkli bann pwen apropriye dan La Tour de Garde le 15 Zanvye, 1997, paz 23-5.

18 min: “Tou Keksoz i Devret pour Ledifikasyon.” De ansyen i diskit sa lartik. Lir sak paragraf ek bann teks Labib ki’n ganny site. Met lanfaz lo bann prensip ki enplike. Aksantye nesesite pour servi disernman kan nou pe okip bann zafer biznes oubyen nou pe envestir. Revwar konsey dan La Tour de Garde le 15 Mars, 1997, paz 18-20, 22.

Kantik 15 ek lapriyer konklizyon.

Semenn le 17 Zilyet

Kantik 23

15 min: Lanons lokal. Rapor kont. An bref, eksplike konman nou kapab servi brosir Le nom divin pour ed en dimoun enterese konpran nesesite pour konn e servi non personnel Bondye.—Vwar liv Raisonner, paz 200-201.

10 min: “Nouvo Progranm Lasanble Rezyonal.” Par kestyon ek repons. Anons dat prosen lasanble rezyonal e konsey tou dimoun pour asiste tou le de zour. Ankouraz zot tou pour fer en zefor spesyal pour envit bann etidyan Labib. Asiste lasanble i kapab stimil zot dezir pour asosye regilyerman avek kongregasyon.

20 min: Lekel ki Devret Vin Ou Model? En papa pe kondwir son letid familyal avek enn ou de zanfan adolesan. Resaman i’n obzerve ki zot konversasyon i souvan lo bann sanpyon sport ek bann vedet film, televizyon ek lanmizik. I eksprim son konsern parski sa latirans egzazere i en manifestasyon lespri lemonn. Zot diskit lo Réveillez-vous! le 22 Me, 1998, paz 12-14. Bann zenn i realize ki i en danze kan ou ador bann personnaz lemonn e zot aksepte ki selebrite lemonn napa nanryen pour ofer bann Kretyen. Zot reflesir lo bann benefis pour konsider bann paran, ansyen, lezot legzanp dan kongregasyon—e sirtou Zezi Kri—konman zot model.

Kantik 34 ek lapriyer konklizyon.

Semenn le 24 Zilyet

Kantik 45

5 min: Lanons lokal.

15 min: Rekomann Nou Lekor konman bann Minis Bondye. De asistan ministeryel i diskit lo lavertisman Biblik donnen dan La Tour de Garde le 15 Desanm, 1998, paz 19-20. Zot konpran nesesite pour reste kalifye dan en bon fason konman asistan ministeryel e revwar sa ki zot kapab fer personnelman pour montre ki zot pe akonpli zot devwar. Zot vwar lenportans pour reste bann bon legzanp dan predikasyon e diskit bann fason ki zot kapab ed bann ansyen pour donn lasistans personnel lezot. Zot aksepte ki zot anvi fer tou sa ki zot kapab pour ed kongregasyon rekonnet ki sa letan i irzan, pour grandi e prospere spirityelman.

10 min: Ekrir Let bann Dimoun Ki Nou Pa Kapab Kontakte. Diskour ek diskisyon avek lodyans. Vi ki i pe vin deplizanpli difisil pour trouv dimoun kot lakour, serten proklanmater i ganny bon rezilta kan zot ekrir let. Pran an konsiderasyon sa bann konsey swivan: Bann let i devret bref, baze lo Labib e respektab. Pa anvoy bann let anonim. Tipe oubyen ekrir prop e lizibleman. Donn ladres Lasal Rwayonm, ler bann renyon, ek en lenvitasyon pour asiste. Pa servi ladres Lasosyete. Revwar bann sizesyon ofer dan Manuel pour l’École, paz 86-7, ek Kwen Kestyon dan Nou Minister Rwayonm Novanm 1996.

15 min: Servi bann Lentrodiksyon Efektiv. Swazir de ou trwa lentrodiksyon lo paz 9-15 dan liv Raisonner e diskite ki mannyer zot kapab ganny servi efektivman dan teritwar. Demann lodyans “Ki bann lentrodiksyon ou kapab servi kan ou apros en dimoun lo semen, enformelman, oubyen dan lezot fason?” Si letan i permet, fer enn ou de demonstrasyon.

Kantik 54 ek lapriyer konklizyon.

Semenn le 31 Zilyet

Kantik 66

15 min: Lanons lokal. Rapel tou proklanmater pour remet zot rapor predikasyon pour Zilyet. Envit lodyans pour rakont bann fe personnel ki zot in eksperyanse sa mwan an distribyan bann brosir. En ansyen pou atantivman revwar sa not par lao konsernan bann azisteman Renyon Servis.

12 min: Bezwen lokal.

18 min: “Eski Ou Apresye Pasyans Zeova?” Par kestyon ek repons. Enkli bann komanter apropriye konsernan pasyans Zeova.—Vwar Insight, Volim 2, paz 263-4, son versyon Franse paz 499-500.

Kantik 75 ek lapriyer konklizyon.

Semenn le 7 Out

Kantik 88

10 min: Lanons lokal.

17 min: “Eski Ou en Dimoun Timid?” Par kestyon ek repons. Rakont en leksperyans ankourazan dan l’Annuaire 1997, paz 43-4.

18 min: Vin Saz Konsernan Ou Lavenir. Diskour par en ansyen. Bann zenn i an dezir en lavenir ere avek bann ki zot kontan. Byen ki sa i natirel, zot bezwen aplik konsey divin si zot anvi trouv lareisit. (Prov. 19:20) Dan staz lazenes, latraksyon anver en lot seks opoze i for. Si bann santiman pa ganny kontrole, rezilta i kapab vin katastrof. Bokou kestyon i ganny poze lo si i saz ou non pour bann adolesan konmans kontan en lot dimoun seks opoze, devlop en relasyon romantik ki anmenn ver frekantasyon. Revwar lavertisman donnen dan liv Les jeunes s’interrogent, paz 231-5. Rezim bann pwen enportan dan La Tour de Garde le 15 Novanm, 1999, paz 18-23, ki montre lenportans bann zenn ki akonpli tou zot lobligasyon anver Bondye. Ankouraz bann adolesan pour reflesir lo sa konsey e pour diskit li avek zot paran si zot annan bann kestyon.

Kantik 101 ek lapriyer konklizyon.