Progranm Renyon Servis

Semenn le 11 Septanm

Kantik 139

10 min: Lanons lokal. Lanons apropriye dan Nou Minister Rwayonm.

15 min: “Benediksyon Zeova i Fer Nou Ris.” Limit lentrodiksyon mwens ki en minit, e pourswiv avek en diskisyon par kestyon ek repons.—Vwar Insight, Volim 2 an Angle, paz 804, paragraf 6-7, an Franse paz 799.

20 min: “Servi Laktyalite pour Stimil Lentere.” Diskisyon avek lodyans ek demonstrasyon. Mansyonn en seri bann levennman aktyel ki’n kree lentere lokalman. Ki konsern lo lavenir sa in prodwir? An servan liv Comment Raisonner, paz 9-10, ofer serten sizesyon lo konman pour prepar en lentrodiksyon ki pou anmenn ver en diskisyon Labib. Prezant de demonstrasyon byen prepare e pratik.

Kantik 224 ek lapriyer konklizyon.

Semenn le 18 Septanm

Kantik 2

10 min: Lanons lokal. Rapor kont.

15 min: Ki Nou’n Akonpli Lannen Pase? Diskour par sirveyan servis. Revwar bann pwen for dan rapor kongregasyon pour lannen servis 2000. Felisit kongregasyon pour bann bon keksoz ki’n ganny akonpli. Fer resorti bann domenn kot i bezwen amelyorasyon. Konsantre lo konman kongregasyon in fer lo kote lasistans renyon, konmans e kondwir bann letid Labib, ek regilarite dan predikasyon. Souliny bann lobzektif pratik pour sa nouvo lannen.

20 min: “Lavi i An Risk!” Diskisyon avek lodyans. Met lanfaz lo bann verse Labib ki’n ganny site dan lartik.

Kantik 30 ek lapriyer konklizyon.

Semenn le 25 Septanm

Kantik 93

15 min: Lanons lokal. Rapel bann proklanmater pour remet zot rapor predikasyon pour mwan Septanm. Egzamin Kwen Kestyon.

15 min: Bezwen lokal.

15 min: Nou Magazin Pa Perdi Zot Valer. Ki ou fer ler bann magazin La Tour de Garde ek Réveillez-vous! ki en pe pli ansyen i akimile? Serten proklanmater i annan tandans debaras zot, avek lide ki sa bann size nepli azour. Plito, Nou Minister Rwayonm, Septanm 1993, paz 3, i ankouraz nou pour anmenn serten vye nimero e ofer zot kan i apropriye. Ou kapab swazir bann magazin zis apropriye ki kapab atir bann zonm, madanm, serten profesyon, bann vyeyar, ek adolesan; apre met pare pour prezant zot kan en letan apropriye i arive. Demontre konman pour selekte e prezant bann lartik. Rakont bann leksperyans reisit ki bann proklanmater in gannyen kan zot in plas bann magazin ansyen.

Kantik 115 ek lapriyer konklizyon.

Semenn le 2 Oktob

Kantik 169

15 min: Lanons lokal. Enform kongregasyon konsernan distribisyon spesyal ki’n ganny progranmen pour Nouvel Rwayonm No. 36, ki pou konmans Lendi le 16 Oktob e kontinyen ziska Vandredi le 17 Novanm. Ankouraz zot tou, enkli bann zenn ek bann nouvo, pour fer zefor pour partisip plennman. Bann kondikter letid liv i devret konmans depi konmela, pour ankouraz e organiz tou dimoun dan son group pour partisip avek bokou larder. Enkli bann leksperyans edifyan ki nou ti gannyen ler nou ti distribye sa dernyen Nouvel Rwayonm.

15 min: “Si Mon Demenaze?” Diskour par en ansyen. Eksplike akoz i esansyel pour egzers disernman kan nou pe deside pour demenaze. Diskite konman pour aplik sa konsey dan Proverb 22:3. Enkli bann komanter konsernan prekosyon trouve dan La Tour de Garde le 15 Out, 1988, paz 22.

15 min: Bann Leksperyans lo Konmans Konversasyon. Dan progranm Renyon Servis pour semenn le 11 Septanm, nou ti ganny sizere pour devlop bann aktyalite pour stimil lentere e konmans bann konversasyon dan predikasyon. Envit lodyans pour rakont bann bon rezilta ki zot in apresye ziska prezan an aplikan sa bann sizesyon.

Kantik 205 ek lapriyer konklizyon.