Kontinyen Anonse!
1 I lavolonte Bondye ki “tou dimoun i ganny sove e ganny konnesans laverite.” (1 Tim. 2:4) Pour sa rezon, ki i’n donn nou sa latas pour anons sa bon nouvel. (Mat. 24:14) Si nou konpran akoz nou devret kontinyen prese, okenn dekourazman oubyen distraksyon ki nou kapab rankontre pa pou anpes nou fer li.
2 Akoz Persevere? I annan bokou distraksyon dan lemonn ki fer dimoun oubliye oubyen pa pran sa ki nou dir zot oserye. Donk nou bezwen kontinyen rapel zot mesaz Bondye pour delivrans. (Mat. 24:38, 39) Anplis, sirkonstans dan lavi dimoun pe touzour sanze. Menm bann kondisyon lemonn i kapab sanze soudennman. (1 Kor. 7:31) Demen, semenn prosen, oubyen mwan prosen, dimoun avek ki nou prese i kapab rankontre bann nouvo problenm oubyen lenkyetid ki fer zot pran oserye sa bon nouvel ki nou pe anmenn zot. Eski ou pa rekonesan ki sa Temwen ki’n fer ou konn laverite ti persevere?
3 Pour Imit Mizerikord Bondye: Avek pasyans, Zeova in permet letan pase avan ki i egzekit zizman lo bann mesan. Atraver nou, i’n kontinyelman apel bann ki annan en bon leker pour retourn kot li e ganny sove. (2 Pyr. 3:9) Nou pou koupab pour mert si nou pa anons bann dimoun mesaz mizerikord Bondye e averti zot konsernan egzekisyon zizman Bondye ki pe vin lo tou bann ki pa detourn kont zot bann move fason. (Ezek. 33:1-11) Menm si nou travay predikasyon pa touzour ganny byen resevwar, nou pa devret zanmen aret fer zefor pour ed bann ki senser apresye gran mizerikord Bondye.—Akt 20:26, 27; Rom. 12:11.
4 Pour Demontre Nou Lanmour: Se Zeova Bondye, atraver Zezi Kri, ki’n ordonnen ki sa bon nouvel i ganny anonse lo tou later. (Mat. 28:19, 20) Menm kan dimoun i refize ekoute, nou annan en loportinite pour demontre nou lanmour ek devosyon pour Bondye par persevere pour fer sa ki byen.—1 Zan 5:3.
5 Fotespere ki nou determinen pour kontinyen prese! Annou fer li avek larder pandan ki nou ankor dan “zour delivrans” Zeova.—2 Kor. 6:2.