Progranm Renyon Servis
Semenn le 13 Novanm
Kantik 4
10 min: Lanons lokal. Bann lanons apropriye dan Nou Minister Rwayonm.
13 min: Kwen Kestyon. Diskour par en ansyen.
22 min: “Kiltiv Lentere ki’n ganny Stimile par Nouvel Rwayonm No. 36.” Diskisyon par kestyon ek repons lo paragraf 1-5. Mansyonn bann laranzman spesyal pour kouver okenn teritwar ki pa ankor ganny travay. Revwar bann prezantasyon dan paragraf 7 ek 8 pour fer retourn vizit, e fer en demonstrasyon pour sakenn. Met lanfaz lo lenportans pour swiv tou lentere e fer zefor pour konmans bann letid Labib. Konklir an diskitan paragraf 9 ek bann teks ki’n ganny site.
Kantik 63 ek lapriyer konklizyon.
Semenn le 20 Novanm
Kantik 111
10 min: Lanons lokal. Rapor kont.
15 min: Bann Leksperyans dan Distribisyon Nouvel Rwayonm No. 36. Rakont sikse ki zot in gannyen dan teritwar. Eski i annan dan kongregasyon ki’n partisip dan servis pour premye fwa? Rakont bann komanter favorab ki dimoun kot lakour in fer. Eski i annan serten proklanmater ki’n kapab konmans letid Labib? Si wi, fer zot eksplike oubyen montre konman zot ti fer. Rapel tou pour kiltiv lentere ki zot in trouve.
20 min: “Kontinyen Anonse!” Diskour ek entervyou. Serten in asosye avek lorganizasyon Temwen Zeova e zot in persiste dan travay predikasyon tou zot lavi. Avek en latitid pozitif, zot in trouv lazwa an fezan sa. (Vwar liv Konnesans, paz 179, paragraf 20, ek La Tour de Garde le 1 Me, 1992, paz 21-2, paragraf 14-15.) Envit en proklanmater ki’n aktif pour plizyer lannen pour donn bann rezon akoz ki i’n persiste dan travay predikasyon.
Kantik 141 ek lapriyer konklizyon.
Semenn le 27 Novanm
Kantik 153
10 min: Lanons lokal. Rapel bann proklanmater pour met zot rapor predikasyon pour Novanm. Piblikasyon pour ofer an Desanm i liv Konnesans avek Traduction du monde nouveau. Eksplike konman ki bann Temwen Zeova in zwe en gran rol par prodwir Labib dan bokou langaz.—Vwar La Tour de Garde le 15 Oktob, 1997, paz 11-12.
20 min: Servi Byen Liv Comment Raisonner. Diskisyon par kestyon ek repons lo paz 7-8. Montre konman ki sa liv in ganny fer pour ed nou prepar pour nou annan en minister pli efektiv. Eksplike konman ki i kapab ganny servi kan ou pe fer temwannyaz par telefonn. Demontre konman pour trouv lenformasyon itil pour reponn en kestyon. Ankouraz tou pour vin familye avek sa liv, gard li dan zot sak predikasyon, e byen itiliz li.
15 min: Konman ki Mon Kapab Kontrol Mon Labitid Get Televizyon? En ansyen i koz avek en zenn frer ki pas plizyer er-d-tan par zour pour regard televizyon. Okonmansman, sa frer i ensiste ki napa okenn danze ladan. I dir ki i senpleman en fason pour detann e ki i pa pe ganny afekte negativman. Sa ansyen i revwar bann pwen kle dan liv Les jeunes s’ínterrogent dan sapit 36. I eksplike ki regard televizyon an ekstrenm i konsonm bokou letan presye ki ti a kapab ganny itilize pour fer letid personnel, al predikasyon, oubyen ede avek bann bezwen kongregasyon. Sa zenn frer i eksprim lapresyasyon pour sa konsey e i dir ki pour son benefis spirityel, i pou sanz son labitid get televizyon.
Kantik 175 ek lapriyer konklizyon.
Semenn le 4 Desanm
Kantik 189
10 min: Lanons lokal. “Ki Ou Pou Dir avek en Reponder?”
15 min: Bezwen lokal.
20 min: “En Parol ki Ganny Dir dan Son Letan Apropriye.” Diskisyon avek lodyans ek demonstrasyon. Bokou i santi ki zot pa kapab konmans en konversasyon, zot prezimen ki zot bezwen serten abilite spesyal pour ganny bann rezilta. Eksplike konman ki nou tou, enkli bann nouvo ek bann zenn proklanmater, i kapab konmans bann diskisyon si nou fer zefor. Revwar bann prezantasyon ki’n ganny sizere, fer resorti zot senplisite, e fer de ou trwa proklanmater fer demonstrasyon avek sa bann prezantasyon. Refer avek Nou Minister Rwayonm Mars 1998, paz 8, pour plis prezantasyon ki kapab ganny servi. Ankouraz tou pour pozitif ki zot a kapab trouv ankor plis lazwa dan zot minister.
Kantik 218 ek lapriyer konklizyon.