Progranm Renyon Servis
Semenn le 10 Zanvye
Kantik 223
10 min: Lanons lokal. Lanons apropriye dan Nou Minister Rwayonm. Servi bann sizesyon lo paz 8 (si i apropriye pour ou teritwar) pour montre konman prezant Latour Veyer le 1 Zanvye (Angle/Franse) ek Réveillez-vous! le 22 Desanm. Lezot prezantasyon ki aplikab i kapab ganny servi. Montre dan en prezantasyon konman pour ofer bann magazin avek en manm fanmiy ki pa Temwen.
15 min: “Nouri par bann Parol Lafwa.”a Lir e diskit bann verse ki’n ganny mansyonnen si letan i permet.
20 min: “Esey adapte nou Lapros.” Diskisyon avek lodyans lo paz 6 sa sipleman. Demontre de legzanp konman sa lapros i kapab ganny servi ler pe ofer piblikasyon ki pour sa mwan. Dan sak demonstrasyon, sa proklanmater pou lir en verse ki koz lo sa keksoz ki trakas sa met lakour.
Kantik 143 ek lapriyer final.
Semenn le 17 Zanvye
Kantik 34
10 min: Lanons lokal.
15 min: Zenn—Eski zot pe progrese spirityelman? Diskour par en ansyen baze lo Latour Veyer le 1 Avril, 2003, paz 30-2. Mansyonn serten lobzektif rezonnab ki zenn i kapab atenn, e ankouraz zot pour etablir bann lobzektif spesifik pour zot menm.
20 min: “Kondwir bann Letid Labib ki progrese—Senkyenm Parti”b Enkli en demonstrasyon kot en ansennyan kalifye pe diskit avek en nouvo proklanmater konman pour evit bann pyez ki ganny mansyonnen dan paragraf 4-5.
Kantik 78 ek lapriyer final.
Semenn le 24 Zanvye
Kantik 163
10 min: Lanons lokal. Rapor kont. Egzamin an bref sa bwat “Video lo DVD.”
10 min: Kwen Kestyon. En diskour.
25 min: “Konman servi Legzanp Prezantasyon dan Nou Minister Rwayonm.”c Servi bann kestyon ki’n ganny fourni. Mansyonnen ki dan sa sipleman pour sa mwan lo paz 3-5, i annan prezantasyon pour bann piblikasyon ki nou pou ofer. Anmas sa sipleman pour servi pandan sa lannen. Apre ki nou’n egzamin sa lartik, diskite konman nou kapab ofer liv Apros avek Zeova pandan mwan Fevriye. Demontre de prezantasyon. Zot kapab baze lo bann prezantasyon ki’n ganny sizere lo paz 3 oubyen lo lezot prezantasyon ki pou efikas dan nou teritwar.
Kantik 200 ek lapriyer final.
Semenn le 31 Zanvye
Kantik 157
10 min: Lanons lokal. Rapel bann proklanmater pour remet zot rapor servis pour mwan Zanvye. Par servi bann sizesyon lo paz 8 (si i apropriye pour ou teritwar), montre konman pour prezant swa Latour Veyer le 15 Zanvye (Angle/Franse) oubyen Réveillez-vous! le 8 Zanvye. Lezot prezantasyon ki aplikab i kapab ganny servi.
15 min: Bezwen lokal.
20 min: Eski ou pe egzamin Labib sak Zour? Diskour ek diskisyon avek lodyans baze lo lentrodiksyon dan Egzamin Labib sak Zour—2005. Diskit lo nesesite pour tou dimoun pran detrwa minit sak zour pour egzamin teks Labib ek komanter. Fer laranzman davans pour ki enn oubyen de dimoun i fer komanter lo zot progranm pour egzamin teks e ki mannyer zot in benefisye. Fini avek en diskisyon bref lo teks pour lannen 2005.
Kantik 184 ek lapriyer final.
Semenn le 7 Fevriye
Kantik 97
10 min: Lanons lokal.
15 min: Ed bann nouvo pour aprann kontan Bondye ek zot Prosen. En diskour baze lo Latour Veyer le 1 Zilyet, 2004, paz 27, paragraf 7-9. Fer resorti konman sak manm kongregasyon i zwe en rol pour ed bann nouvo vin en disip Kris.
20 min: Zeova pa refiz nanryen ki bon. (Ps. 84:11) Entervyou enn de frer ek ser ki’n reste fidel dan leprev. Ki difikilte zot in rankontre? Kwa ki’n ed zot pour sirmont sa bann leprev? Ki lazwa ek byenfe zot in gannyen?
Kantik 104 ek lapriyer final.
[Not anba lo paz]
a Limit lentrodiksyon dan mwens ki en minit, e pourswiv avek en diskisyon par kestyon ek repons.
b Limit lentrodiksyon dan mwens ki en minit, e pourswiv avek en diskisyon par kestyon ek repons.
c Limit lentrodiksyon dan mwens ki en minit, e pourswiv avek en diskisyon par kestyon ek repons.