Kwen kestyon

◼ Ki mannyer tou dimoun i kapab ede pour gard en lanvironnman kot i fasil pour aprann dan bann renyon kongregasyon? (Det. 31:12)

Nou tou nou ganny ankouraze pour ariv boner e met nou pare pour ganny ansennyen par Zeova. Letan nou fer sa, nou pe demontre profon respe pour li ek son bann renyon ki i’n met dan nou dispozisyon. I pou byen ede si nou asiz dan bann ranze devan dan lasal e les bann ranze deryer pour bann ki annan pti zanfan e bann ki parler i kapab ariv tar. Avan ki renyon i konmanse, fer sir ki tou bann keksoz elektronik, tel parey telefonn portab, in ganny regle dan en fason ki pa pou deranz lodyans. I pou annan mwens distraksyon ek gro problenm letan tou ki prezan i demontre en gran respe pandan sesyon antye.—Ekle. 5:1; Fili. 2:4.

Letan bann nouvo i konmans asiste renyon, en dimoun dan kongregasyon ki konn li i kapab ofer pour asiz avek li. Sa i pou vin en gran led sirtou avek bann zanfan ki bezwen ganny formen pour konport zot byen dan renyon. Asiste renyon i kapab en keksoz ki zot pa’n zanmen eksperyanse. Si sa i leka, paran pou petet santi zot pli konfortab pour asiz en pe deryer kot i pa pou en distraksyon pour lezot si zot pou bezwen al deryer pour en pti moman pour pran swen avek zot bann pti zanfan. (Prov. 22:6, 15) Bann fanmir avek pti zanfan pa merit asiz oubyen ganny dirize dan dezyenm lekol kot zanfan i kapab santi zot lib pour fer tapaz. I pou pli bon si en paran i disiplin oubyen pran swen personnel son zanfan an deor lasal prensipal e apre ki i’n fini, retourn ansanm avek son zanfan.

Bann manm servis lakey i ede pour mentenir en lanvironnman apropriye dan landrwa kot nou ador Zeova. Zot ed bann fanmir ek bann ki kapab parler ariv tar trouv en bon landrwa pour asize. Sa bann manm servis lakey i konsyan ki zot bezwen azir avek bon zizman e dan en fason ki pa tro tro deranz lodyans ler pe ed zot ganny en plas. Zot servi bon zizman letan zot pe kontrol en lensidan san ekspekte. Letan en zanfan i konmans konport li dan en fason ki i pe deranz lezot, manm servis lakey i kapab zantiman ofer lasistans.

Renyon i en form ladorasyon. Tou dimoun ki prezan i kapab kontribye anver en lanvironnman kot i fasil pour aprann lo Zeova ek sa nouvo lemonn ki pou ranpli avek lape ek ladrwatir.—Ebr. 10:24, 25.