Pres avek “tou dimoun”
1. Dan ki fason bann evanzelizater ki efikas i parey bann artizan talante?
1 En artizan ki annan bokou talan i servi plizyer zouti e i konnen kan e ki mannyer pour servi zot. Pareyman, nou annan bokou zouti ki ed nou akonplir nou travay konman bann evanzelizater. Par egzanp, i’n annan en kantite brosir ki’n ganny pibliye lo diferan size pour ed nou pres avek “tou dimoun.” (1 Kor. 9:22) Sa sipleman ki dan sa Nou Minister Rwayonm i donn en lalis serten sa bann brosir, eksplike lekel ki zot pe targete e i donn bann sizesyon lo konman nou kapab ofer zot.
2. Kan ki nou kapab servi brosir dan predikasyon?
2 Kan pour servi brosir: En artizan pou servi en zouti apropriye ki pou ed li dan son travay. Pareyman, nou kapab ofer en brosir nenport ler ki nou santi ki sa pou ed sa dimoun, pa zis pandan bann mwan ki nou ofer brosir. Par egzanp, si pandan en mwan ki nou pe ofer liv Ki Labib i dir nou pe pres dan en teritwar kot dimoun napa bokou lentere dan Labib akoz zot dan bann larelizyon ki pa Kretyen, en brosir pou pli ed zot e nou kapab entrodwir liv Ki Labib i dir apre ki zot in devlop plis lentere.
3. Akoz nou bezwen vin pli kalipa pour servi nou bann zouti?
3 Labib i koz an byen lo bann ki efikas dan zot travay. (Prov. 22:29) San okenn dout, napa en travay ozordi ki pli enportan ki sa “servis sakre anonsan Bonn Nouvel.” (Rom. 15:16) Pour nou vin parey “en zouvriye ki napa nanryen pour onte,” nou pou fer nou mye pour vin pli kalipa pour servi nou bann zouti.—2 Tim. 2:15.