“Ofer en vye magazin oubyen nenport brosir ki adres konsern sa dimoun”

Pandan bann mwan ki nou ofer liv Ki Labib i dir ek letid Labib lo nou premye vizit, nou ganny ankouraze pour “ofer en vye magazin oubyen nenport brosir ki adres konsern sa dimoun” menm si sa met lakour i deza annan sa liv e i pa aksepte en letid Labib. Akoz?

Bann brosir ek bann vye magazin i abord egzakteman bann topik ki apropriye pour nou letan. En topik dan enn sa bann piblikasyon i kapab tous leker sa met lakour. Alor, ler ou pe prepar ou sak predikasyon, pa bliye pour enkli detrwa sa bann diferan brosir ek vye magazin. Si ou napa bann vye magazin, petet ou kapab ganny detrwa kot kontwar piblikasyon. Koumsa si sa met lakour i deza annan sa liv Ki Labib i dir e pa enterese avek en letid Labib, ou kapab montre li enn de sa bann magazin oubyen brosir ki ou annan e envit li pour pran sa bann ki enteres li. Apre sa, fer laranzman pour retournen pour devlop lentere sa dimoun. Petet avek letan i pou aksepte en letid Labib.