Servi byen nou bann vye magazin

Vi ki bann vye magazin pa benefisye personn kan zot dan stor oubyen ganny zete, alor nou devret esey distribye zot. En senp magazin i kapab devlop lentere en dimoun pour laverite e pous li pour kriy non Zeova. (Rom. 10:13, 14) Sa bann sizesyon ki swiv i montre konman pour byen servi bann vye magazin.

• Kan nou pe pres dan teritwar ki pa ganny fer toultan, petet nou kapab kit enn sa magazin kot en absan dan en landrwa kot lezot dimoun pa vwar.

• Kan nou pe fer temwannyaz enformel dan landrwa piblik par egzanp kot dimoun pe esper bis, demann zot si zot ti a kontan en keksoz pour lir, montre zot bann vye magazin e les zot swazir.

• Kan nou pe vizit lakaz vye dimoun, klinik oubyen lezot landrwa ki tonm dan teritwar ou kongregasyon, kit detrwa vye kopi magazin dan resepsyon. Normalman i byen si nou demann permisyon avek sa dimoun ki ansarz sa landrwa si i la. Si ou vwar ki i deza annan detrwa magazin, pa kit plis.

• Kan ou pe al fer retourn vizit, mazin sa ki kapab enteres sak dimoun ki ou pe al vizite. Eski i annan en fanmir? Eski i kontan vwayaze? Eski i kontan plante? Get dan bann vye magazin pour vwar si i annan en lartik ki i ti a kontan lir e montre li kan ou al vizit li.

• Kan ou retrouv en dimoun ki ti enterese kot li apre plizyer fwa ki ou’n esey kontakte li, montre li serten sa bann magazin ki i pa’n gannyen.