Lekel ki pe fer lavolonte Zeova ozordi?

1. Kan ki nou pou konmans egzamin sa brosir Lekel ki pe fer lavolonte Zeova ozordi? e ki mannyer nou pou benefisye?

¹ Konmansman semenn le 28 Oktob 2013, sa brosir Lekel ki pe fer lavolonte Zeova ozordi? pou ganny egzaminen dan Letid Labib Kongregasyon. Nou ti ganny sa nouvo brosir dan lasanble distrik “Protez ou leker!” e i’n ganny fer pour ed bann etidyan Labib vin ver lorganizasyon Zeova. Ler nou pou egzamin sa brosir, sa pa pou zis ogmant nou lapresyasyon pour lorganizasyon Zeova me i pou osi ed nou pour byen familyariz nou avek sa zouti enportan dan nou minister.​—Ps. 48:13.

2. Ki mannyer sa brosir pou ganny etidye dan kongregasyon?

² Ki mannyer i pou ganny etidye: Sa kondikter letid pou bezwen kalkil byen son letan pour ki sak leson i ganny fer dan menm kantite letan. Antou i annan 28 leson, sa kondikter pou entrodwir sak leson par lir sa tit ki dan laform en kestyon. Apre, i pou demann sa lekter pour lir paragraf lentrodiksyon. Epi i pou demann lodyans en kestyon ki i’n prepare pour sa lentrodiksyon. Apre sa, lir e diskit separeman sak seksyon ki konmans avek en fraz ki’n ganny ekri an gro lekritir nwanr. Ler sa seksyon in fini ganny lir, sa kondikter pou envit lodyans pour fer komanter lo konman sa seksyon i reponn sa kestyon ki tit sa leson. Sa brosir i osi annan plizyer portre ki nou kapab fer komanter lo la. Bann verse kle i devret ganny lir si i annan ase letan. Avan al lo lot leson, sa kondikter pou revwar bann pwen par demann sa kestyon anba lo paz. Si i annan bwat “Plis lenformasyon,” sa ki dan sa bwat i devret ganny lir e apre sa kondikter pou envit lodyans pour fer komanter lo konman en etidyan Labib pou benefisye avek sa sizesyon. Si letan i permet, sa kondikter i kapab servi tit sa leson konman kestyon revizyon. Gard antet ki nou pa pou neseserman etidye sa brosir dan sa fason avek nou etidyan.

3. Ki mannyer nou kapab byen benefisye par etidye sa brosir?

³ Pour ki nou byen benefisye fodre nou fer en bon preparasyon. Fer zefor pour partisipe. Pandan letid, mazin konman sa bann leson i kapab benefisye nou bann etidyan Labib. Ler nou etidye sa brosir, sa pou ed nou byen ekipe pour ed lezot zwenn avek nou pour fer lavolonte Bondye e ki zot osi zot ava annan sa lespwar pour viv pour touzour.​—1 Zan 2:17.