Ki mannyer pour servi sa nouvo brosir Lekel ki pe fer lavolonte Zeova ozordi? En brosir pour diriz bann etidyan Labib ver lorganizasyon
1. Ki sa trwa rezon akoz brosir Lavolonte Zeova in ganny pibliye?
1 Eski ou’n konmans servi brosir Lekel ki pe fer lavolonte Zeova ozordi? Son bi i pour (1) familyariz bann etidyan Labib avek nou konman Temwen Zeova, (2) ed zot pour aprann lo nou bann aktivite e (3) montre zot ki mannyer nou lorganizasyon i fonksyonnen. Ou kapab kouver en leson dan zis senk a dis minit a lafen sak letid dan sa brosir Lavolonte Zeova.
2. Dekrir ki mannyer sa brosir in ganny fer e ki annan ladan?
2 Ki mannyer sa brosir in ganny fer: I annan trwa seksyon dan sa brosir e sak seksyon i diskit en laspe diferan lo lorganizasyon Zeova parey i’n ganny dir pli boner. Tit tou le 28 leson i en kestyon e bann soutit an gro lekritir nwanr ki swiv i reponn sa bann kestyon. Bann portre sorti dan apepre 50 pei i montre lanpler enternasyonal nou travay. Dan detrwa leson, i annan en bwat “Plis lenformasyon” ki annan bann sizesyon ki ou kapab ankouraz ou etidyan pour swiv.
3. Ki mannyer nou kapab servi brosir Lavolonte Zeova?
3 Konman ou kapab servi li: Konmans par demann sa kestyon ki tit sa leson. Apre, anmezir ki ou lir sa leson avek ou etidyan, met lanfaz lo sa bann soutit an gro lekritir nwanr. Finalman, revwar bann kestyon revizyon anba lo paz. Ou kapab lir sa leson en sel tre oubyen lir e diskit bann diferan seksyon. Servi ou bon zizman pour deside ki verse ki pli bon pour lir. Pa bliye pour koz lo bann portre ek bwat “Plis lenformasyon.” Dan lamazorite ka, sa bann leson i devret ganny fer dan lord. Me santi ou lib pour fer en leson ki adapte avek sa ki enteres sa dimoun. Par egzanp si en lasanble pe vini, ou kapab etidye leson 11.
4. Akoz ou kontan pour ganny sa nouvo zouti?
4 Kan nou etidye Labib avek en dimoun, nou ed li aprann konn nou Papa ki dan lesyel. Par kont, nou bezwen osi ansenny li lo setadir lorganizasyon Zeova. (Prov. 6:20) Pa nou kontan pour travay avek bann nouvo zouti ki fer li fasil pou nou fer sa!