Amelyor nou abilite pour prese​—Montre lentere personnel

Akoz i enportan: Avek lanmour Zezi ti montre en lentere personnel dan sak dimoun endividyelman. En fwa ler Zezi ti pe al geri en zonm sourd, i ti santi ki sa zonm ti kapab anbarase, alors i ti anmenn li a lekar avek lafoul e geri li. (Mark 7:31-35) I ti montre konsiderasyon pour son bann disip par rekonnet zot limit e pa bonbard zot avek tro bokou lenformasyon. (Zan 16:12) Menm dan lesyel, Zezi i montre en lentere personnel dan nou. (2 Tim. 4:17) Konman bann disip Kris, nou anvi imit li. (1 Pyer 2:21; 1 Zan 3:16, 18) An plis, nou pou pli efikas dan predikasyon si nou montre konsiderasyon pour bann met lakour e pran kont zot sirkonstans personnel, zot lentere ek traka. Zot pou pli pare pour ekout nou si zot santi ki nou pa zis lo en misyon pour pas en mesaz oubyen kit piblikasyon, me plito, nou enterese avek zot personnelman.