Akeyir nou bann envite

Le 23 Mars, nou pe ekspekte ki apepre 12 milyon oubyen plis dimoun pou asiste Memoryal konman nou bann envite. Zot pou ganny en bon temwannyaz anmezir ki sa orater i diskit lo sa ranson ki Zeova in donnen e bann benediksyon ki limanite pou gannyen a lavenir gras a sa ranson ki en kado. (Iza 11:6-9; 35:5, 6; 65:21-23; Zan 3:16) Me sa zour spesyal, i pa zis sa orater ki pou rann temwannyaz. Nou tou ki dan lasistans pou ganny sans rann temwannyaz ler nou akeyir nou bann envite. (Ro 15:7) Annou vwar ki mannyer nou kapab fer sa.

• Olye zis rod ou plas e esper progranm konmanse, akeyir bann envite ek bann ki inaktif. Dir zot bonzour avek en gran sourir e demontre lentere dan zot

• I vre ki ou pou port plis latansyon lo bann dimoun ki ou’n envite, kantmenm sa tyeke si napa lezot ki’n vini zis akoz zot in ganny lenvitasyon pandan kanpanny. Envit bann nouvo pour asiz o bor ou. Les zot swiv dan ou Labib ek liv kantik

• Apre diskour, reste pour ou kapab reponn okenn kestyon. Si i napa bokou letan apre diskour akoz en lot kongregasyon i bezwen servi lasal, fer laranzman pour vizit sa dimoun dan detrwa zour. Si ou napa son kontak, ou kapab dir: “Mon ti a kontan konnen ki mannyer ou’n trouv progranm. Eski i annan en fason ki mon kapab kontakte ou?”