PREPAR BYEN POUR PREDIKASYON | OGMANT OU LAZWA DAN PREDIKASYON
Ed bann etidyan Labib pour asiste renyon
Bann renyon kongregasyon i en parti vreman enportan vre ladorasyon. (Ps 22:22) Tou bann ki zwenn ansanm pour ador Zeova, zot trouv lazwa e zot ganny beni. (Ps 65:4) Normalman, bann etidyan Labib i fer progre pli vit ler zot asiste renyon regilyerman.
Ki mannyer ou kapab ed ou bann etidyan Labib pour asiste renyon? Kontinyen envit zot pour asiste. Montre zot sa video Kwa ki pase dan Lasal Rwayonm? Eksplik bann byenfe ki zot pou gannyen ler zot asiste renyon. (lff leson 10) Ou kapab koz lo en pwen spesifik ki ou’n aprann dan renyon oubyen sa ki pou ganny diskite dan en prosen renyon. Donn ou etidyan sa piblikasyon ki pou ganny servi. Ou kapab osi ofer led pratik. Petet zot bezwen en pasaz pour ariv lasal. Zefor ki ou fer pou vo lapenn ler ou vwar ou etidyan asiste renyon pour premye fwa.—1Ko 14:24, 25.
GET SA VIDEO ED OU BANN ETIDYAN LABIB POUR ASISTE RENYON. APRE REPONN SA BANN KESTYON SWIVAN:
Ki mannyer Neeta ti sezi loportinite pour envit Jasmine renyon?
Akoz nou kontan ler en etidyan Labib i asiste renyon?
“Bondye i vreman parmi zot”
Ki ti arive avek Jasmine ler i ti asiste renyon pour premye fwa?