KONMANS EN KONVERSASYON
LESON 6
Annan lardyes
Prensip: “Bondye ti donn nou lardyes pour anons son bon nouvel avek zot.”—1 Tesa. 2:2.
Sa ki Zezi ti fer
1. Get sa VIDEO oubyen lir Lik 19:1-7. Apre reponn sa bann kestyon swivan:
Akoz serten dimoun pa ti frekant Zase?
Kwa ki ti fer Zezi koz lo sa bon nouvel avek li?
Ki nou aprann avek Zezi?
2. Nou bezwen annan lardyes pour anons sa bon nouvel avek tou dimoun.
Fer parey Zezi
3. Depan lo Zeova. Lespri sen Bondye ti donn Zezi lafors ki i ti bezwen pour prese e i kapab ed ou osi. (Mat. 10:19, 20; Lik 4:18) Demann Zeova lardyes pour pres avek bann dimoun ki ou per pour koz avek.—Akt 4:29.
4. Pa ziz dimoun. Nou kapab ezite pour koz avek serten dimoun akoz zot laparans fizik, zot ran sosyal oubyen zot sityasyon ekonomik, zot fason viv ouswa zot krwayans relizye. Me rapel:
Zeova ek Zezi i konnen sa ki i annan dan leker me nou, nou pa konnen.
Nou pa devret santi ki Zeova pa kapab ed en dimoun.
5. Reste alert, annan lardyes ek respe. (Mat. 10:16) Evite dispit. Zantiman aret sa konversasyon si sa dimoun pa anvi ekout sa bon nouvel oubyen si ou pa santi ou an sekirite.—Prov. 17:14.