SWIV ZOT LENTERE
LESON 7
Kontinyen ansenny e anons sa bon nouvel
Prensip: “San arete, zot ti kontinyen ansenny e anons sa bon nouvel.”—Akt 5:42.
Sa ki Pol ti fer
1. Get sa VIDEO oubyen lir Akt 19:8-10. Apre reponn sa bann kestyon swivan:
Olye aret prese ler serten ti opoz li, ki mannyer Pol ti kontinyen anons sa bon nouvel avek bann dimoun ki ti demontre lentere?
Konbyen fwa Pol ti retournen pour ansenny bann ki ti demontre lentere e ki kantite letan i ti fer sa?
Ki nou aprann avek Pol?
2. Nou bezwen fer letan pour swiv zot lentere e konmans bann letid Labib.
Fer parey Pol
3. Aziste ou progranm avek sa ki pour sa dimoun. Demann ou lekor: ‘Kan ki i pou pli bon pour kontakte li? Kan ki i pou annan letan pour koz avek mwan?’ Pare pour swiv son lentere menm si sa letan pa konvenab pour ou.
4. Demann sa dimoun kan ki ou kapab zwenn li. A lafen sak konversasyon, esey donn sa dimoun en ler spesifik ki ou pou kapab koz avek li ankor. Fer sir ou gard ou parol.
5. Reste pozitif. Pa krwar ki sa dimoun pa enterese zis akoz i difisil pour zwenn li kot lakour oubyen akoz i vreman okipe. (1 Kor. 13:4, 7) Plito, kontinyen esey rod sa dimoun me fer sir ou pe byen servi ou letan.—1 Kor. 9:26.